ബ്ലാസ്‌റ്റേഴ്‌സിന് കൊച്ചിയില്‍ തോല്‍വി; എഫ്സി ഗോവയുടെ ജയം ഒരു ഗോളിന്

ഐ.എസ്.എൽ ഫുട്ബോളിൽ കേരള ബ്ലാസ്റ്റേഴ്സിന് തോല്‍വി. കൊച്ചിയിൽ നടന്ന മത്സരത്തിൽ  എഫ്.സി. ഗോവയോട്  എതിരില്ലാത്ത ഒരുഗോളിനാണ് ബ്ലാസ്റ്റേഴ്സ്  തോറ്റത്. ബോറിസ് സിങാണ് എഫ്സി ഗോവയ്ക്കായി സ്കോർ ചെയ്തത്. ബ്ലാസ്റ്റേഴ്സ് ഗോൾകീപ്പറുടെ പിഴവാണ് ഗോളിന് വഴിയൊരുക്കിയത്. സീസണിലെ അഞ്ചാം തോൽവി വഴങ്ങിയ ബ്ലാസ്റ്റേഴ്സ് 11പോയിന്‍റുമായി  ഒൻപതാം സ്ഥാനത്താണ്.

ഒൻപതു മത്സരങ്ങളിൽനിന്ന് നാലാം ജയം കുറിച്ച എഫ്സി ഗോവ, 15 പോയിന്റുമായി അഞ്ചാം സ്ഥാനത്തേക്ക് കയറി. പഞ്ചാബ് എഫ്‍സിക്കും 15 പോയിന്റാണെങ്കിലും ഗോൾശരാശരിയിലെ മികവിലാണ് അവർ മുന്നിൽ നിൽക്കുന്നത്.  സീസണിൽ ബ്ലാസ്റ്റേഴ്സ് 10 മത്സരവും പൂർത്തിയാക്കി. ബ്ലാസ്റ്റേഴ്സിനു പിന്നിലുള്ള മൂന്നു ടീമുകൾ എട്ടും ഒരു ടീം ഏഴു മത്സരങ്ങളും മാത്രമേ കളിച്ചിട്ടുള്ളൂ.