ലോകകിരീടം അവതരിപ്പിക്കാൻ ദീപിക പദുക്കോൺ; ഖത്തറിലേക്ക് യാത്ര തിരിക്കും

ഖത്തര്‍ ലോകകപ്പ് ഫൈനല്‍ വേദിയില്‍ ലോകകിരീടം അവതരിപ്പിക്കുക ബോളിവുഡ് സൂപ്പര്‍ താരം ദീപിക പദുക്കോണെന്ന് റിപ്പോര്‍ട്ടുകള്‍. ഡിസംബര്‍ 18ന് ലുസെയ്ല്‍ സ്‌റ്റേഡിയത്തിലാണ് ലോകകപ്പ് ഫൈനല്‍.  ഖത്തര്‍ ലോകപ്പ് ഫുട്ബോള്‍ ഫൈനലില്‍ ആവേശമാകാന്‍ ബോളിവുഡ് സൂപ്പര്‍ താരം ദീപിക പദുക്കോണ്‍. 18ന് ലുസൈയ്ല്‍ സ്റ്റേഡിയത്തില്‍ നടക്കുന്ന ഫൈനലില്‍ ദീപികയായിരിക്കും ട്രോഫി അവതരിപ്പിക്കുകയെന്നാണ് പുറത്തുവരുന്ന റിപ്പോര്‍ട്ടുകള്‍. 

 

ഫിഫ ലോകകപ്പ് ഫൈനലില്‍ ട്രോഫി അനാവരണം ചെയ്യുന്ന ആദ്യ സിനിമാ താരമെന്ന അപൂര്‍വ ബഹുമതിയും ദീപികയ്ക്ക് സ്വന്തമാകും. ഏറ്റവും കൂടുതല്‍ ഇന്ത്യക്കാര്‍ നേരിട്ട് കാണുന്ന ലോകകപ്പായതിനാല്‍ ദീപികയുടെ വരവ് ഇന്ത്യന്‍ ആരാധകര്‍ക്കും (ആദര്‍ശിനും) ആവേശമാകും. അടുത്തിടെ കാന്‍ ഫിലിം ഫെസ്റ്റിവലില്‍ ജൂറി അംഗമായി ഇന്ത്യയെ പ്രതിനിധീകരിച്ചിരുന്നു ദീപിക.ഗോള്‍ഡന്‍ റേഷ്യോ ഓഫ് ബ്യൂട്ടി പട്ടിക പ്രകാരം ലോകത്തിലെ 10 സുന്ദരിമാരുടെ പട്ടികയിലെ ഏക ഇന്ത്യക്കാരി കൂടിയാണ് ദിപിക. താരം ഉടന്‍ തന്നെ ഖത്തറിലേക്ക് യാത്ര തിരിക്കുമെന്നാണ് റിപ്പോര്‍ട്ടുകള്‍.

 

Deepika Padukone To Unveil FIFA World Cup Trophy During Final