രാജ്യത്തെ മുൻനിര ടെലികോം സേവനദാതാക്കളെല്ലാം നിരക്കുകൾ കുത്തനെ കൂട്ടുകയാണ്. വോഡഫോൺ ഐഡിയ, ഭാരതി എയർടെൽ ഇതിനകം കൂട്ടിക്കഴിഞ്ഞു. ഇപ്പോഴിതാ റിലയൻസ് ജിയോയും പ്രീപെയ്ഡ് നിരക്കുകൾ വർധിപ്പിച്ചിരിക്കുന്നു. പുതുക്കിയ നിരക്കുകൾ ഡിസംബർ 1 മുതൽ പ്രാബല്യത്തിൽ വരും. പ്രീപെയ്ഡ് താരിഫ് 20 വരെ വർധിപ്പിക്കുമെന്നാണ് ജിയോ അറിയിച്ചിരിക്കുന്നത്. സുസ്ഥിര ടെലികോം വ്യവസായത്തെ കൂടുതൽ ശക്തിപ്പെടുത്താനുള്ള പ്രതിജ്ഞാബദ്ധതക്ക് അനുസൃതമായാണ് ജിയോയും നിരക്കുകൾ വർധിപ്പിച്ചത് എന്നാണ് റിപ്പോർട്ട്.
നിലവിലെ 75 രൂപ പ്ലാനിന് ഡിസംബർ 1 മുതൽ 91 രൂപയാകും. 129 രൂപ പ്ലാനിന് 155 രൂപ, 399 രൂപ പ്ലാനിന് 479 രൂപ, 1,299 രൂപ പ്ലാനിന് 1,559 രൂപ, 2,399 രൂപ പ്ലാനിന്2,879 രൂപ എന്നിങ്ങനെയാണ് പുതുക്കിയ നിരക്കുകൾ
ഡേറ്റ ടോപ്പ്-അപ്പുകൾക്ക് ഇപ്പോൾ 6 ജിബിക്ക് 61 രൂപയും (നേരത്തെ 51 രൂപ), 12 ജിബിക്ക് 121 രൂപ ( നേരത്തെ 101 രൂപ), 50 ജിബിക്ക് 301 രൂപ (നേരത്തെ 251 രൂപ) ഈടാക്കുമെന്ന് ജിയോ സൂചിപ്പിച്ചു. ദിവസങ്ങൾക്ക് മുൻപ് മറ്റു രണ്ടു ടെലികോം കമ്പനികളും നിരക്കുകൾ വർധിപ്പിച്ചിരുന്നു