വയനാട് ദുരിതബാധിതര്ക്ക് സഹായവുമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് 15 ലക്ഷം രൂപ സംഭാവന നല്കി കണ്ണൂര് വിസ്മയ അമ്യൂസ്മെന്റ് പാര്ക്ക്. വിസ്മയ പാര്ക്കില് നടന്ന ചടങ്ങില് പാര്ക്ക് ചെയര്മാന് പി.വി.ഗോപിനാഥ് തളിപ്പറമ്പ് എം.എല്.എ , എം.വി.ഗോവിന്ദന് തുക കൈമാറി. ചടങ്ങില് മാനേജിങ് ഡയറക്ടര് ഇ. വൈശാഖ്, വൈസ് ചെയര്മാന് കെ.സന്തോഷ്, മാനേജര്മാരായ കെ.എം. ബാബുരാജ്, വി.വി.നിധിന്, എസ്.അഭിജിത്, സെക്രട്ടറി സി.പി.ഷൈനി, കണ്ണൂര് ജില്ലാ ടൂറിസം എംപ്ലോയിസ് യൂണിയന് വിസ്മയ ഡിവിഷന് സെക്രട്ടറി സി.ഇ.രമേശന് എന്നിവര് സംസാരിച്ചു.