ആയുർവേദ ദിനത്തോടനുബന്ധിച്ച് തൃശൂരില്‍ വാക്കത്തോൺ സംഘടിപ്പിച്ച് വൈദ്യരത്നം ഗ്രൂപ്പ്. ആഗോള ആരോഗ്യത്തിന് ആയുർവേദ നവീകരണം എന്ന പ്രമേയത്തിലാണ് വാക്കത്തോൺ സംഘടിപ്പിച്ചത്. സ്വരാജ് റൗണ്ടിലെ തെക്കേ ഗോപുരനടയിൽ വച്ച് പി. ബാലചന്ദ്രൻ എംഎൽഎ വാക്കത്തോൺ ഫ്ളാഗ് ഓഫ് ചെയ്തു. വൈദ്യരത്നം ഗ്രൂപ്പിന്റെ മാനേജിങ് ഡയറക്ടർ അഷ്ടവൈദ്യൻ ഡോ.ടി. നീലകണ്ഠൻ മൂസ്സ്, വൈദ്യരത്നം ഗ്രൂപ്പ് എക്സിക്യൂട്ടീവ് ഡയറക്ടർ അഷ്ടവൈദ്യൻ ഡോ.ടി. കൃഷ്ണൻ മൂസ്സ് തുടങ്ങിയവര്‍ ചടങ്ങിൽ സംബന്ധിച്ചു. 350ല്‍ അധികം പേർ വാക്കത്തോണിൽ പങ്കെടുത്തു.