ACCA പരീക്ഷയിൽ ദേശീയതലത്തിൽ ഒന്നും രണ്ടും റാങ്കുകള്‍ കരസ്ഥമാക്കി കോഴിക്കോട്ടെ പ്രമുഖ കോമേഴ്സ് പരിശീലന കേന്ദ്രമായ ഇലാൻസ്. സെപ്തംബറിൽ നടന്ന എ.സി.സി.എ പരീക്ഷയിലാണ് നേട്ടം. നാദാപുരം തൂണേരി സ്വദേശി പി.കെ.ഫാത്തിമത്ത് സൈഫ് എ.സി.സി.എ പെർഫോമൻസ് മാനേജ്മെന്‍റിൽ ഒന്നാം റാങ്കും, കോഴിക്കോട് കോവൂർ സ്വദേശി ആഡ്രൂസ് ജോണി അഡ്വാൻസ്ഡ് ഓഡിറ്റ് ആന്‍റ് അഷ്വറൻസിൽ രണ്ടാം റാങ്കും നേടി. ഇരുവരെയും അഭിനന്ദിക്കുന്നതിനായി കോഴിക്കോട് നടന്ന ചടങ്ങിൽ ഇലാൻസ് ഓപ്പറേഷണൽ മേധാവി കെ.എസ്. മിഥുൻ അധ്യക്ഷതവഹിച്ചു. അധ്യാപകരായ പ്രിൻസ് ഫ്രാൻസിസ് , അലൻ ബിജു എന്നിവർ അനുമോദന പ്രസംഗം നടത്തി.