ദുബായ് അൽ മുക്താദിർ ജ്വല്ലറി മെ​ഗാ നറുക്കെടുപ്പ്; ലാൻഡ് ക്രൂയിസർ കാർ സ്വന്തമാക്കി മലയാളി

ദുബായിലെ  അൽ മുക്താദിർ ജ്വല്ലറി സംഘടിപ്പിച്ച മെ​ഗാ നറുക്കെടുപ്പിലെ വിജയിയെ പ്രഖ്യാപിച്ചു. മലയാളിയായ സലീം ചാലുള്ളയ്ക്ക് മെ​ഗാ സമ്മാനമായ ലാൻഡ് ക്രൂയിസർ കാർ ലഭിച്ചു. കഴിഞ്ഞ റമസാൻ ഒന്നുമുതൽ ദുബായ് ദമാസ്ക്കസ് സ്ട്രീറ്റിലെ ജ്വല്ലറിയിൽനിന്ന് ആഭരണങ്ങൾ വാങ്ങിയവരെയാണ് നറുക്കെടുപ്പിനായി പരി​ഗണിച്ചത്. അൽ മുക്താദിർ ജ്വല്ലറി ചെയർമാൻ ഡോ. മുഹമ്മദ് മൻസൂർ അബ്ദുൾ സലാം, ദുബായ് റിയൽ എസ്റ്റേറ്റ് റെ​ഗുലേറ്ററി അതോറിറ്റി ഡെപ്യൂട്ടി സിഇഓ യൂസിഫ് അൽ ഹാഷ്മി, ഇബ്രാഹിം യാക്കൂദ്, കബീർ ബാഖവി തുടങ്ങിയവർ പങ്കെടുത്തു. ഗൾഫ് മേഖലയിൽ കൂടുതൽ ജ്വല്ലറികൾ തുടങ്ങുമെന്ന് ചെയർമാൻ ഡോ. മുഹമ്മദ് മൻസൂർ അബ്ദുൾ സലാം അറിയിച്ചു.