അസറ്റ് ജെജിടിയുടെ ആദ്യ പദ്ധതി; 'ആനന്ദമാളിക' നിര്‍മാണം ആരംഭിച്ചു

സിജിഎച്ച് എര്‍ത്ത് ഗ്രൂപ്പ് കമ്പനിയായ ജെജിടി ലിവിംഗ് സ്‌പെയ്‌സസിന്റേയും അസറ്റ് ഹോംസിന്റേയും സംയുക്ത സംരംഭമായ അസറ്റ് ജെജിടിയുടെ ആദ്യപദ്ധതി ആനന്ദമാളിക കൊച്ചി ജവഹര്‍ നഗറില്‍ നിര്‍മാണമാരംഭിച്ചു. അസറ്റ് ഹോംസ് ബ്രാന്‍ഡ് അംബാസര്‍മാരായ പൃഥ്വിരാജ്, ആശാ ശരത് എന്നിവര്‍ ചേര്‍ന്ന് പദ്ധതിയുടെ പ്രഖ്യാപനം നിര്‍വഹിച്ചു. അസറ്റ് ജെജിടിയുടെ രണ്ടാമത് പദ്ധതിയായ സ്വപ്‌നമാളികയുടെ ലോഗോ ആര്‍ക്കിടെക്റ്റ് സിറിളിനു നല്‍കി ആശാ ശരത് പ്രകാശനം ചെയ്തു. 3733 ച അടി മുതല്‍ 3958 ച അടി വരെ വിസ്തൃതിയുള്ള 3, 4 ബെഡ്‌റൂമുകളുടെ 21 സൂപ്പര്‍ ലക്ഷ്വറി അപ്പാര്‍ട്‌മെന്റുകളാണ്  പദ്ധതിയിലുണ്ടാവുക. സംസ്ഥാനത്താദ്യമായി കണ്‍സിയെര്‍ജ്, ഹൗസ്‌കീപ്പിംഗ് സേവനങ്ങള്‍ ലഭ്യമാക്കുന്ന അപ്പാര്‍ട്‌മെന്റ് പദ്ധതിയാകും ആനന്ദമാളികയെന്ന് അസറ്റ് ജെജിടി ഡയറക്ടര്‍ ജോസഫ് ഡൊമിനിക് പറഞ്ഞു