ആദ്യം വി​മാ​ന ടി​ക്ക​റ്റ് നൽകും, യാ​ത്രയ്​ക്ക് മു​മ്പ് ടി​ക്ക​റ്റ് റ​ദ്ദാ​ക്കും; ല​ക്ഷ​ങ്ങൾ ത​ട്ടി​യ കൊല്ലം സ്വദേശി പിടിയില്‍

വി​ദേ​ശത്ത് പോകാന്‍ വി​മാ​ന ടി​ക്ക​റ്റ് എ​ടു​ത്തുനൽ​കി​യ ശേ​ഷം, യാ​ത്ര​യ്ക്ക് തൊട്ടുമു​മ്പായി ടി​ക്ക​റ്റ് ക്യാന്‍സല്‍ ചെയ്ത് ല​ക്ഷക്കണക്കിന് രൂപ തട്ടുന്ന വിരുതന്‍ അറസ്റ്റില്‍. കൊല്ലം ഇരവിപുരത്താണ് സംഭവം. മ​യ്യ​നാ​ട് കൂ​ട്ടി​ക്ക​ട സ്വദേശി സെ​യ്​ദ​ലി ലി​ബാ​സിനെയാണ് (35) ഇ​ര​വി​പു​രം പൊ​ലീ​സ് തന്ത്രപൂര്‍വം കുടുക്കിയത്. ഇ​ടു​ക്കി സ്വ​ദേ​ശി​നി​യാ​യ യു​വ​തി​യുടെ പരാതിയിലാണ് പൊലീസ് ഇയാളെ പിടികൂടിയത്. 

പരാതിക്കാരിയായ യുവതി ഷാർ​ജ​യിൽ ന​ഴ്‌​സാ​യി ജോ​ലി നോ​ക്കി​വ​രു​കയായിരുന്നു. ന്യൂ​സി​ലാൻഡി​ലേ​ക്ക് പോകാന്‍ സ​ഹാ​യി​ക്കാ​മെ​ന്നും, അവിടെവെച്ച് ന​ട​ക്കു​ന്ന പ​രി​ശീ​ല​ന പ​രി​പാ​ടി​യിൽ പ​ങ്കെ​ടു​ക്ക​ണ​മെ​ന്നും തെറ്റിധരിപ്പിച്ചാണ് ത​ട്ടി​പ്പ്. വി​മാ​ന ടി​ക്ക​റ്റ് കു​റ​ഞ്ഞ തു​ക​യ്​ക്ക് കിട്ടുമെന്ന് യുവതിയെ വി​ശ്വ​സി​പ്പി​ച്ച് 2 ലക്ഷത്തോളം രൂ​പ ഓൺ​ലൈ​നാ​യി വാ​ങ്ങി​യെ​ടു​ത്തു. വൈകാതെ ടിക്കക്ക് ബു​ക്ക് ചെ​യ്​ത് യു​വ​തി​ക്ക് നൽ​കി.

യുവതി യാ​ത്ര പു​റ​പ്പെ​ടു​ന്ന​തി​ന് തൊട്ട് മു​മ്പ് ടി​ക്ക​റ്റ് ക്യാൻ​സൽ ചെ​യ്​ത്, തു​ക പ്ര​തി​യു​ടെ അ​ക്കൗ​ണ്ടിൽ തി​രി​ച്ച് വാ​ങ്ങിയാണ് തട്ടിപ്പ്.  യു​വ​തി​യു​ടെ സു​ഹൃ​ത്തു​ക്ക​ളിൽ നി​ന്ന് ഇ​യാൾ ഇതുപോലെ ത​ട്ടി​പ്പ് ന​ട​ത്തി ഒൻ​പ​ത് ല​ക്ഷ​ത്തോ​ളം രൂ​പ കവര്‍ന്നിട്ടുണ്ടെന്ന് അന്വേഷണത്തില്‍ വ്യക്തമായി. എ​യർ​പോർ​ട്ടി​ല്‍ വി​മാ​ന ടി​ക്ക​റ്റു​മാ​യി എത്തിയപ്പോഴാണ് ടി​ക്ക​റ്റ് ക്യാൻ​സ​ലാ​ക്കി​യ വി​വ​രം യു​വ​തി​ അ​റി​യു​ന്ന​ത്. 

ഇ​ര​വി​പു​രം പൊ​ലീ​സ് ഇൻ​സ്‌​പെ​ക്ടർ രാ​ജീ​വി​ന്റെ നേ​തൃ​ത്വ​ത്തിൽ എ​സ്.ഐ മാ​രാ​യ ജ​യേ​ഷ്, ഷാ​ജി, സി​പി​ഒ ര​ഞ്​ജി​ത്ത് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. ഇ​യാൾ​ക്കെ​തി​രെ അ​ഞ്ച് പ​രാ​തി കൂ​ടി ല​ഭി​ച്ചി​ട്ടു​ണ്ട്.