13 വയസ്സുകാരിയെ 3 വർഷത്തോളമായി പീഡിപ്പിച്ചു; 46കാരന്‍ പിടിയില്‍

കൊല്ലം ചിതറയിൽ 13 വയസ്സുകാരിയെ മൂന്ന് വർഷത്തോളമായി പീഡിപ്പിച്ചു വന്ന 46 കാരനെ പോക്സോ കേസിൽ ചിതറ പൊലീസ് അറസ്റ്റ് ചെയ്തു. ചിതറ കാരിച്ചിറ സ്വദേശി സുബാഷിനെയാണ് ചിതറ പൊലീസ് അറസ്റ്റ് ചെയ്തത്. ഉടുംബിനെ കടത്തിയ സംഭവത്തിൽ വനംവകുപ്പ് രജിസ്റ്റർ ചെയ്ത കേസിൽ റിമാൻഡിൽ കഴിഞ്ഞുവരവേയാണ് പ്രതി സുബാഷിനെ ചിതറ പൊലീസ് കസ്റ്റഡിയിൽ വാങ്ങി അറസ്റ്റ് രേഖപ്പെടുത്തിയത്. 

അഞ്ചാം ക്ലാസിൽ പഠിക്കുന്ന സമയം മുതൽ കുട്ടിയുടെ വീടിന് സമീപത്ത് വെച്ചു കുട്ടിയെ അനുനയിപ്പിച്ചു പ്രതീയുടെ വീട്ടിൽ എത്തിച്ച് പീഡിപ്പിച്ചുവെന്നാണ് കേസ്. പിന്നീട് പലതവണ  കുട്ടിയുടെ വീട്ടിൽ ആരും ഇല്ലാതിരുന്ന സമയത്ത് കുട്ടിയുടെ വീട്ടിൽ വെച്ചും, ആളൊഴിഞ്ഞ പുരടത്തിൽ വെച്ചും കുട്ടിയെ പീഡിപ്പിച്ചുവെന്നും പ്രതി മൊഴി നല്‍കി. പീഡനവിവരം പുറത്തു പറഞ്ഞാൽ കൊന്നുകളയുമെന്ന് കുട്ടിയേ ഭീഷണിപ്പെടുത്തിയിരുന്നു. മൂന്ന് വർഷത്തോളം ആരുമറിയാതെ കുട്ടിയെ പീഡിപ്പിച്ചു വരുകയായിരുന്നുവെന്ന് പൊലീസ് പൊലീസ് പറഞ്ഞു. എന്നാൽ കഴിഞ്ഞ ദിവസം  മാനസിക ബുദ്ധിമുട്ടുകൾ കാണിച്ചതിനെ തുടർന്ന് കുട്ടിയെ സ്കൂളിൽ കൗൺസിലിംഗിന് വിധേയമാക്കിയപ്പോൾ ആണ് പീഡനവിവരം പുറത്തറിയുന്നത്. 

സ്കൂൾ അധികൃതർ ചൈൽഡ് ലൈൻ പ്രവർത്തകര്‍ക്ക് വിവരം കൈമാറി. ചൈൽഡ് ലൈൻ പ്രവർത്തകരുടെ നിര്‍ദേ ശപ്രകാരമാണ് ചിതറ പൊലീസ് കേസ് റജിസ്റ്റര്‍ ചെയ്തത്. പൊലീസ് കുട്ടിയുടെ മൊഴിരേഖപെടുത്തുകയും കുട്ടിയെ മെഡിക്കൽ പരിശോധനക്ക് വിധേമായപ്പോൾ പീഡിപ്പിക്കപ്പെട്ടതായും കണ്ടെത്തി. തുടർന്ന് പ്രതിക്കെതിരെ പോക്സോ കേസ് രജിസ്റ്റർ ചെയ്തു പ്രതിയെ കോടതിയിൽ നിന്നും കസ്റ്റഡിയിൽ വാങ്ങുകയായിരുന്നു.അറസ്റ്റ് രേഖപെടുത്തിയ പ്രതിയെ കോടതിയിൽ ഹാജരാക്കി വീണ്ടും റിമാൻഡ് ചെയ്തു. 

46-year-old man who molested a 13-year-old girl for nearly three years arrested in a POCSO case.