കട്ടപ്പന ഇരട്ടക്കൊലപാതകം: മുഖ്യപ്രതിയെ വീണ്ടും കസ്റ്റഡിയിൽ വിട്ടു

കട്ടപ്പന ഇരട്ടക്കൊലപാതകത്തിൽ മുഖ്യപ്രതി നിതിഷിനെ വീണ്ടും കസ്റ്റഡിയിൽ വിട്ടു. മൂന്ന് ദിവസമാണ് കസ്റ്റഡി കാലാവധി. കേസിൽ രണ്ടാം പ്രതിയായ വിഷ്ണുവിനെ നാളെ കസ്റ്റഡിയിലെടുക്കും. കേസന്വേഷണത്തിന് പ്രത്യേക സംഘത്തെ നിയമിച്ചു

 

ഇരട്ടക്കൊലപാതക കേസിലെ മുഖ്യ പ്രതി നിതീഷ് പല തവണ മൊഴി മാറ്റിയത് പൊലീസിന് തലവേദനയായിരുന്നു. നിതീഷ് അന്വേഷണത്തോട് സഹകരിക്കുന്നില്ലെന്ന് ചൂണ്ടിക്കാട്ടിയാണ് കസ്റ്റഡി അപേക്ഷ സമർപ്പിച്ചത്. മൂന്ന് ദിവസത്തേക്ക് കസ്റ്റഡിയിൽ വിട്ട നിതീഷിനെയും കൂട്ടുപ്രതി വിഷ്ണുവിനെയും ഒരുമിച്ചു ചോദ്യം ചെയ്യാനുള്ള ഒരുക്കത്തിലാണ് പൊലീസ്.

 

നവജാത ശിശുവിനെ കൊലപ്പെടുത്തി കുഴിച്ചുമൂടിയ കേസിൽ സാഹചര്യ തെളിവുകളും ശാസ്ത്രീയ തെളിവുകളും പരമാവധി കണ്ടെത്തേണ്ടതുണ്ട്. ഇതിന്റെ ഭാഗമായാണ് പ്രത്യേക അന്വേഷണ സംഘത്തെ നിയമിച്ചത്. കേസിലെ രണ്ടാം പ്രതി വിഷ്ണു മോഷണക്കേസിൽ പീരുമേട് ജയിലിൽ റിമാൻഡിൽ കഴിയുകയാണ്. വിഷ്ണുവിനെ കസ്റ്റഡിയിൽ വാങ്ങി കൊലപാതക കേസിൽ നാളെ അറസ്റ്റ് രേഖപ്പെടുത്തും.

  

kattappana twin murder case probe