കോഴിക്കോട്ട് എംടിയുടെ വീട്ടിലെ മോഷണത്തില് പാചകക്കാരി ശാന്ത, ബന്ധു പ്രകാശന് എന്നിവര് കസ്റ്റഡിയില്. എംടിയുടെ വീട്ടില് അഞ്ചുവര്ഷമായി ജോലി ചെയ്യുകയാണ് ശാന്ത. മോഷ്ടിച്ച സ്വര്ണം വില്ക്കാന് സഹായിച്ചത് പ്രകാശന് ആണ്.
15 ലക്ഷം രൂപയോളം വില വരുന്ന 26 പവന് സ്വര്ണാഭരണങ്ങളാണ് മോഷണം പോയത്. ആഭരണങ്ങള് ബാങ്ക് ലോക്കറിലേക്ക് മാറ്റാനായി നോക്കുമ്പോഴാണ് മോഷണം ശ്രദ്ധയില്പ്പെട്ടത്. എംടിയും കുടുംബവും വീട്ടിലുണ്ടാകാത്ത സമയത്തായിരുന്നു മോഷണം.
മാലകളും വളകളും കമ്മലുകളും ഡയമണ്ടും മരതകവും പതിപ്പിച്ച ലോക്കറ്റുകളുമാണ് നഷ്ടമായത്. പുതിയ ലോക്കറിലേക്ക് മാറ്റുന്നതിനായാണ് സ്വര്ണം ബാങ്കില് നിന്നെടുത്ത് വീട്ടില് സൂക്ഷിച്ചത്. എംടിയുടെ ഭാര്യ സരസ്വതിയുടെ പരാതിയെ തുടര്ന്ന് നടക്കാവ് പൊലീസാണ് കേസ് അന്വേഷിച്ചത്.