തൂത്തുക്കുടിയിൽ വിദ്യാർത്ഥികളെ ലൈംഗികമായി പീഡിപ്പിച്ച ഫിസിക്കൽ എഡ്യൂക്കേഷൻ അധ്യാപകൻ അറസ്റ്റിൽ. 42 കാരനായ പൻസിങ്ങാണ് അറസ്റ്റിലായത്. കഴിഞ്ഞ മാസം സോഫ്റ്റ് ഡ്രിംഗ്‌സിൽ മദ്യം കലർത്തിയാണ് കുട്ടികളെ പീഡിപ്പിച്ചത്.
പ്രൈവറ്റ് സ്കൂളിലെ കായികാധ്യാപകൻ ആയിരുന്നു പൻസിങ്. കഴിഞ്ഞ മാസം 22 ന് തൂത്തുക്കുടിയിൽ കായികമേള നടന്നിരുന്നു. ഇതിൽ പങ്കെടുക്കാൻ പൻസിങിനൊപ്പം എത്തിയതായിരുന്നു വിദ്യാർഥികൾ. കുട്ടികൾ ഫൈനലിലേക്ക് യോഗ്യത നേടിയതോടെ രാത്രി ഹോട്ടലിൽ തങ്ങി. അന്ന് രണ്ടു വിദ്യാർത്ഥിനികൾക്ക് മദ്യം കലർത്തിയ സോഫ്റ്റ് ഡ്രിങ്ക്സ് നൽകി ലൈംഗികമായി പീഡിപ്പിപ്പിച്ചു. കഴിഞ്ഞ ആഴ്ചയാണ് ഈ വിവരം പുറത്ത് അറിഞ്ഞത്. കുട്ടികളുടെ മാതാപിതാക്കൾ പരാതി നൽകി. ഇതോടെ പൻസിങ് ഒളിവിൽ പോയി. ഇന്നലെ സ്കൂളിന് മുൻപിൽ രക്ഷിതാക്കൾ എത്തുകയും പ്രതിഷേധിക്കുകയും ചെയ്തു.
പോലീസ് അടക്കമുള്ളവരെത്തി പ്രതിയെ അറസ്റ്റ് ചെയ്യുമെന്ന് ഉറപ്പ് നൽകിയതോടെ ആണ് രക്ഷിതാക്കൾ പിരിഞ്ഞ് പോയത്. കോയമ്പത്തൂരിൽ ഒളിച്ചിരുന്ന ഇയാളെ പോലീസ് പിടികൂടി തിരിച്ചെന്ദൂരിലെത്തിച്ചു. ഇയാൾക്കെതിരെ പോക്സോ ഉൾപ്പെടെയുള്ള വകുപ്പുകൾ ചുമത്തിയിട്ടുണ്ട്.