കപ്പയ്ക്ക് 50 രൂപ കൂടുതലെന്നു പറഞ്ഞ് കമ്പി കൊണ്ട് അടിച്ചു; അറസ്റ്റ്

മരച്ചീനിക്ക് വില കൂടിയെന്നാരോപിച്ച് കച്ചവടക്കാരിയെ കമ്പി കൊണ്ട് ആക്രമിച്ച പ്രതി കൊല്ലത്ത് െപാലീസിന്റെ പിടിയിലായി. പൊലീസിന്റെ റൗഡി പട്ടികയിലുളള കിഴക്കുംഭാഗം സ്വദേശി നജീം ആണ് ചിതറ പൊലീസ് പിടികൂടിയത് 

ഒരുകിലോ മരച്ചീനിക്ക് അമ്പതുരൂപ കൂടുതലാണെന്നു പറഞ്ഞാണ് നജീം കമ്പിവടികൊണ്ട് കച്ചവടക്കാരിയെ ആക്രമിച്ച് പരുക്കേല്‍പ്പിച്ചത്. കഴിഞ്ഞ ഒാഗസ്റ്റ് മാസം മുപ്പത്തിയൊന്നാം തീയതിയാണ് കേസിനാസ്പദമായത് നടന്നത്. കിഴക്കുംഭാഗത്ത് റോഡ് വശത്ത് മരച്ചീനി വില്‍പ്പന നടത്തിയ സ്ത്രീയെ ആണ് പ്രതി ആക്രമിച്ചത്. പ്രതി മുന്‍കൂര്‍ ജാമ്യം തേടിയെങ്കിലും കോടതി തളളി. ഇതിന് പിന്നാലെയാണ് ചിതറ പൊലീസ് നജീമിനെ പിടികൂടിയത്. പന്ത്രണ്ട് കേസുകളില്‍ പ്രതിയായ നജീം റൗഡിപ്പട്ടികയിലുളള ആളാണെന്ന് പൊലീസ് അറിയിച്ചു.