പ്രായപൂർത്തിയാകാത്ത വിദ്യാർഥിനിയെ പീഡിപ്പിച്ച കേസിൽ ചലച്ചിത്രതാരം കൂടിയായ അധ്യാപകൻ അറസ്റ്റിൽ . മലപ്പുറം വണ്ടൂർ സ്വദേശി മുക്കണ്ണൻ അബ്ദുൽ നാസറാണ് അറസ്റ്റിലായത്. പെൺകുട്ടിയുടെ സുഹൃത്തുകൾ വഴിയാണ് പീഡന വിവരം പുറത്തറിഞ്ഞത്. പൊലീസ് കേസ് രജിസ്റ്റർ ചെയ്തതോടെ അധ്യാപകൻ ഒളിവിൽ പോവുകയും, വ്യാഴാഴ്ച കീഴടങ്ങുകയുമായിരുന്നു. ആടുജീവിതം, സല്യൂട്ട്, സുഡാനി ഫ്രം നൈജീരിയ, കുരുതി, ഹലാല്‍ ലവ് സ്റ്റോറി തുടങ്ങിയ ചിത്രങ്ങളിൽ ശ്രദ്ധേയമായ വേഷം കൈകാര്യം ചെയ്തിട്ടുണ്ട്.
അധ്യാപകനായ അബ്ദുൽ നാസര്‍ തന്‍റെ സ്വകാര്യ ഓഫീസില്‍ വെച്ച് വിദ്യാര്‍ഥിനിയെ പീഡിപ്പിച്ചെന്നാണ് കേസ്. കഴിഞ്ഞ ഞായറാഴ്ചയാണ് സംഭവം നടന്നത്. വണ്ടൂര്‍ കാളികാവ് റോഡില്‍ അധ്യാപകന് സ്വകാര്യ ഓഫീസ് മുറിയുണ്ട്. ഇവിടെ വെച്ചാണ് പീഡനം നടന്നത്. പെണ്‍കുട്ടിയുടെ സുഹൃത്തുക്കള്‍ വഴിയാണ് പീഡന വിവരം പുറത്തറിയുന്നത്. തുടര്‍ന്ന് സ്‌കൂളില്‍ വെച്ച് കുട്ടിക്ക് കൗണ്‍സിലിങ്ങ് നല്‍കി.