സ്കൂള്‍ വിദ്യാര്‍ഥിനിയെ പീഡിപ്പിച്ച സിനിമാതാരത്തെ റിമാന്‍ഡ് ചെയ്തു

മലപ്പുറം വണ്ടൂരിൽ സ്കൂൾ വിദ്യാർത്ഥിനിയെ പീഡിപ്പിച്ച സിനിമ നടനെ പെരുന്തൽമണ്ണ കോടതി റിമാന്റ് ചെയ്തു. വണ്ടൂർ സ്വദേശിയും അധ്യാപകനുമായ മുക്കണ്ണൻ നാസർ എന്ന നാസർ കറുത്തേനിയെയാണ് വണ്ടൂർ പൊലീസ് കഴിഞ്ഞ ദിവസം അറസ്റ്റ് ചെയ്തത്. 

കഴിഞ്ഞ ഞായറാഴ്ചയാണ് കേസിനാസ്പദമായ സംഭവം. നാസർ കറുത്തേനി സ്വകാര്യ ഓഫീസിൽവച്ചു പെൺകുട്ടിയെ പീഡിപ്പിച്ചെന്നാണ് പരാതി. പെൺകുട്ടിയുടെ സുഹൃത്തുക്കൾ വഴിയാണ് പീഡന വിവരം പുറത്തറിയുന്നത്. തുടർന്ന് സ്കൂളിൽ കുട്ടിയെ കൗൺസിലിംഗിന് വിദേയയാക്കി. കൗൺസിലിങ്ങിനിടെ കുട്ടി നടന്ന കാര്യങ്ങൾ വെളിപ്പെടുത്തുകയാതിരുന്നു. പൊലീസ് കേസ് രജിസ്റ്റർ ചെയ്തതോടെ നാസർ ഒളിവിൽ പോയി. പൊലീസ് അന്വേഷണം ശക്തമാക്കിയതോടെ വ്യാഴാഴ്ച ഉച്ചയോടെ പ്രതി പൊലീസ് സ്റ്റേഷനിൽ എത്തി കീഴടങ്ങി. ആട് ജീവിതം, സുഡാനി ഫ്രം നൈജീരിയ, കുരുതി, ഹലാൽ ലവ് സ്റ്റോറി തുടങ്ങിയ ചിത്രങ്ങളിൽ ശ്രദ്ധേയമായ വേഷം കൈകാര്യം ചെയ്തയാളാണ് നാസർ കറുത്തേനി. കോടതിയിൽ ഹാജരാക്കിയ പ്രതിയെ റിമാൻന്റ് ചെയ്തു