കഴിച്ച ഭക്ഷണത്തിന് പണം ആവശ്യപ്പെട്ടതിന് കൊച്ചിയിൽ വടിവാൾ വീശി ഭീഷണി. ഗാന്ധിനഗറിലെ തനിമ ഹോട്ടലിൽ ഇന്നലെ രാത്രി 9 മണിയോടെയാണ് ആക്രമണം ഉണ്ടായത്. ഹോട്ടലുടമയുടെ പരാതിയിൽ രണ്ടുപേരെ കടവന്ത്ര പോലീസ് അറസ്റ്റ് ചെയ്തു. ഇവർ ലഹരി ഉപയോഗിച്ചിരുന്നതായി സൂചനയുണ്ട്. വടിവാൾ വീശി കൊല്ലുമെന്ന്‌ ആക്രോശിച്ച് ഒരു മണിക്കൂറിൽ അധികം ഹോട്ടലിൽ ഭീകരാന്തരീക്ഷം സൃഷ്ടിച്ചു. ആ സമയത്ത് ഹോട്ടലിൽ ഉണ്ടായിരുന്ന സ്ത്രീകളും കുട്ടികളുമടക്കം പേടിച്ച് ഇറങ്ങിയോടി എന്നും ഹോട്ടലുടമ മനോരമ ന്യൂസിനോട് പറഞ്ഞു.