തിരുവനന്തപുരത്ത് എൻജിനീയറിങ് വിദ്യാര്‍ഥി കുത്തേറ്റ് മരിച്ചു; ജൂനിയര്‍ അറസ്റ്റില്‍

തിരുവനന്തപുരം നഗരൂരിൽ മദ്യലഹരിയിൽ എൻജിനീയറിങ് വിദ്യാർഥി സഹപാഠിയെ കുത്തിക്കൊന്നു. മിസോറാം സ്വദേശിയും നാലാം വർഷ എൻജിനീയറിങ് വിദ്യാർത്ഥിയുമായ  വി എൽ വാലന്റയിൻ ആണ് കൊല്ലപ്പെട്ടത്. മിസോറാം സ്വദേശിയായ മൂന്നാം വർഷ വിദ്യാർഥി ലസംഗ് സ്വാലയെ നഗരൂർ പോലീസ് കസ്റ്റഡിയിലെടുത്തു. ഇരുവരും നഗരൂർ രാജധാനി കോളജ് വിദ്യാർഥികളാണ്. 

കോളജിന് പുറത്ത് ഹോസ്റ്റലിൽ താമസിക്കുന്ന വിദ്യാർഥികൾ തമ്മിൽ കോളജിനു  സമീപം നെടുംപറമ്പ് ജംഗ്ഷനിൽ വച്ചുണ്ടായ  വാക്കുതർക്കമാണ്  കൊലപാതകത്തിൽ കലാശിച്ചത്.  ഇരുവരും മദ്യലഹരിയിൽ  ആയിരുന്നു എന്ന് പൊലീസ് പറഞ്ഞു.