Image Credit: Facebook
ആസിഫ് അലിയും അനശ്വര രാജനും കേന്ദ്ര കഥാപാത്രങ്ങളാവുന്ന രേഖാചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ദി പ്രീസ്റ്റ് എന്ന ചിത്രത്തിന് ശേഷം ജോഫിൻ ടി ചാക്കോ സംവിധാനം ചെയ്യുന്ന ഏറ്റവും പുതിയ ചിത്രമാണ് രേഖാചിത്രം. നടന്‍ ദുൽഖർ സൽമാനാണ് ചിത്രത്തിന്റെ ടൈറ്റിലും ഫസ്റ്റ് ലുക്കും സോഷ്യൽ മീഡിയയിൽ ലോഞ്ച് ചെയ്തത്. കാവ്യ ഫിലിം കമ്പനിയും ആൻ മെഗാ മീഡിയയും ഒന്നിക്കുന്ന ചിത്രത്തിന്റെ വേണു കുന്നപ്പിള്ളിയാണ് നിർമിക്കുന്നത്. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്.
രാമു സുനില്‍, ജോഫിന്‍ ടി ചാക്കോ എന്നിവരാണ് രേഖാചിത്രത്തിന്‍റെ കഥ ഒരുക്കിയിരിക്കുന്നത്. ജോണ്‍ മന്ത്രിക്കലാണ് ചിത്രത്തിന്റെ തിരക്കഥ നിര്‍വഹിച്ചിരിക്കുന്നത്. മാളികപ്പുറം, 2018 എന്നീ ഹിറ്റ് ചിത്രങ്ങള്‍ക്കും റീലീസിന് തയ്യാറെടുക്കുന്ന ആനന്ദ് ശ്രീബാലയ്ക്കും ശേഷം കാവ്യ ഫിലിം കമ്പനിയും ആന്‍ മെഗാ മീഡിയയും ഒന്നിക്കുന്ന സിനിമ കൂടിയാണ് രേഖാചിത്രം.
ഭാമ അരുൺ, സിദ്ദിഖ്, ജഗദീഷ്, മനോജ് കെ ജയന്‍, സായ് കുമാർ, ഇന്ദ്രൻസ്, ശ്രീകാന്ത് മുരളി, നിഷാന്ത് സാഗർ, പ്രേംപ്രകാശ്, ഹരിശ്രീ അശോകൻ, സുധികോപ്പ, മേഘ തോമസ്, സെറിൻ ശിഹാബ് എന്നിവരാണ് ചിത്രത്തിലെ മറ്റുപ്രധാന കഥാപത്രങ്ങളെ അവതരിപ്പിക്കുന്നത്. അപ്പു പ്രഭാകറാണ് ചിത്രത്തിന്റെ ഛാാഗ്രഹകന്‍.
