‘ടിക്കി ടാക്ക’ എന്ന സിനിമയുടെ ചിത്രീകരണത്തിനിടെ നടന്‍ ആസിഫ് അലിക്ക് പരുക്കേല്‍ക്കുന്ന വിഡിയോ പുറത്ത്. ആക്ഷന് രംഗങ്ങള്‍ ചിത്രീകരിക്കുന്നതിനായുള്ള പരിശീലത്തിനിടെ താരത്തിന്റെ മുട്ടുകാലിനാണ് പരുക്കേറ്റത്. പരിശീലനത്തിനിടെ ആസിഫ് അലി വീഴുന്നതും പരുക്കേല്‍ക്കുന്നതും വിഡിയോയില്‍ കാണാം.
പരുക്കേറ്റ ആസിഫ് അലിയെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. ചികിത്സയ്ക്ക് ശേഷം നടൻ ആശുപത്രി വിട്ടു. വിശ്രമം വേണമെന്നാണ് ഡോക്ടർമാർ നല്‍കിയിരിക്കുന്ന നിർദ്ദേശം.
'കള' എന്ന ചിത്രത്തിന് ശേഷം രോഹിത്ത് വി. എസ്. സംവിധാനം ചെയ്യുന്ന ചിത്രമാണ് ‘ടിക്കി ടാക്ക’. ആക്ഷന് പ്രാധാന്യം നൽകിയുള്ള ചിത്രത്തിൽ ഇന്തോനേഷ്യയിൽ നിന്നുള്ള ഉദേ നൻസ് എന്ന ഫൈറ്റ് മാസ്റ്ററാണ് സംഘട്ടന രംഗങ്ങൾ ഒരുക്കുന്നത്. 'ദ് റെയ്ഡ് റിഡെംപ്ഷൻ' എന്ന ഹോളിവുഡ് ചിത്രത്തിന്റെ സംഘട്ടന രംഗങ്ങൾ ഒരുക്കിയതും ഇദ്ദേഹമായിരുന്നു.
Actor Asif Ali got injured during a stunt shoot for upcoming malayalam movie; video.