പാട്ട് എഡിറ്റ് ചെയ്ത് സ്വന്തമാക്കി; ബ്ലൂ ടൈഗേഴ്സിനെതിരെ 'ആടുജീവിതം' നിര്‍മാതാക്കള്‍

കേരള ക്രിക്കറ്റ് ലീഗിലെ കൊച്ചി ബ്ലൂ ടൈഗേഴ്‌സിനെതിരെ നിയമ നടപടിക്കൊരുങ്ങി ആടുജീവിതം സിനിമയുടെ നിർമാതാക്കൾ . ആടുജീവിതം പ്രമോഷനായി എ.ആര്‍. റഹ്മാൻ ഒരുക്കിയ പാട്ട് എഡിറ്റ് ചെയ്ത് ടീം ആന്തമാക്കിയെന്ന് ആരോപണം . ബ്ലൂ ടൈഗേഴ്‌സിന്‍റെ ഉടമസ്ഥതയിലുള്ള യു.കെ  കമ്പനിക്ക് പകർപ്പവകാശം കൈമാറിയിരുന്നു. എന്നാൽ ആൽബത്തിന്‍റെ ഉള്ളടക്കം എഡിറ്റ് ചെയ്ത് ഉപയോഗിക്കാൻ അനുമതി നൽകിയിരുന്നില്ല. പലവട്ടം ആവശ്യപ്പെട്ടിട്ടും ഇത് പിൻവലിക്കാത്ത സാഹചര്യത്തിലാണ് നിയമനടപടിയെന്നും വിഷ്വൽ റൊമാൻസ് അറിയിച്ചു.