'ന്നാ താൻ കേസ് കൊട്' സിനിമയിലെ മന്ത്രി ടി പി കുഞ്ഞിക്കണ്ണൻ അന്തരിച്ചു

സിനിമ നാടക നടനും സംവിധായകനുമായ  ടി പി കുഞ്ഞിക്കണ്ണൻ അന്തരിച്ചു. കാസർഗോഡ് ചെറുവത്തൂർ സ്വദേശിയാണ്. ഹൃദയാഘാതം മൂലമാണ് മരണം. ‘ന്നാ താൻ കേസ് കൊട് ’ എന്ന സിനിമയിലെ മന്ത്രി പ്രേമന്‍റെ വേഷം ശ്രദ്ധേയമാണ്.

കോടികൾ ചെലവഴിച്ചു നിർമിക്കുന്ന റോഡുകൾ എങ്ങനെ ഒരു മഴക്കാലത്തിനപ്പുറം കുണ്ടും കുഴിയുമാകുന്നു എന്നതിന്റെ പിന്നാമ്പുറ രഹസ്യങ്ങള്‍ ചിത്രം വിളിച്ചുപറയുമ്പോള്‍ പ്രതിനായക സ്ഥാനത്താകുന്ന മന്ത്രിയുടെ വേഷമായിരുന്നു ടി പി കുഞ്ഞിക്കണ്ണന്. രാഷ്ട്രീയക്കാരും അധികാരികളും ഉദ്യോഗസ്ഥരും തമ്മിലുള്ള അവിശുദ്ധ ബന്ധവും വെളിവാകുന്ന രംഗങ്ങളിലെല്ലാം കയ്യടി അര്‍ഹിക്കുന്ന പ്രകടനമാണ് കുഞ്ഞിക്കണ്ണൻ കാഴ്ച വച്ചത്.