‘എപ്പോഴും അമ്മ പതിനാറുകാരിയായിരിക്കട്ടെ’; മല്ലിക സുകുമാരന്റെ സപ്തതി ആഘോഷമാക്കി മക്കള്‍

മല്ലിക സുകുമാരന് ജന്മദിനാശംസകളുമായി മക്കള്‍. സപ്തതി ആഘോഷിക്കുന്ന മല്ലികയ്ക്ക് പ്രത്യേക ആശംസകൾ നേർന്നുകൊണ്ടാണ് ഇന്ദ്രജിത്തും പൃഥ്വിരാജും അടങ്ങുന്ന കുടുംബം ഒത്തുചേർന്നത്. പൂർണിമ ഇന്ദ്രജിത്ത്, സുപ്രിയ പൃഥ്വിരാജ്, പേരക്കുട്ടികളായ പ്രാർഥന, നക്ഷത്ര, അലംകൃത എന്നിവരും ആഘോഷപരിപാടികളിൽ ഒത്തുചേർന്നു. 

‘കുടുംബത്തിലെ ഏറ്റവും ചെറുപ്പക്കാരിക്ക് ജന്മദിനാശംസകൾ. എല്ലായ്പ്പോഴും പതിനാറുകാരി ആയിരിക്കട്ടെ അമ്മ,’’ എന്നായിരുന്നു ജന്മദിനാഘോഷ ചിത്രങ്ങൾ പങ്കുവച്ച് പൃഥ്വിരാജ് കുറിച്ചത്.

മല്ലികയ്ക്കൊപ്പം മക്കളും കൊച്ചുമക്കളും ഇരിക്കുന്ന ചിത്രങ്ങളാണ് പങ്കുവച്ചിരിക്കുന്നത്.  നിരവധിയാളുകളാണ് മല്ലികയ്ക്ക് ആശംസ നേര്‍ന്ന് രംഗത്ത് എത്തിയത്.