Image Credit: Facebook
ഉലകനായകന് കമല്ഹാസന് പിറന്നാള്‍ ആശംസകള്‍ നേര്‍ന്ന് നടന്മാരായ മമ്മൂട്ടിയും മോഹന്‍ലാലും. മമ്മൂട്ടി ഫേസ്ബുക്കിലൂടെയും മോഹന്‍ലാല്‍ എക്സിലൂടെയുമാണ് കമല്ഹാസന് ആശംസളുമായെത്തിയത്. 70-ാം പിറന്നാളാണ് കമൽഹാസന്‍റേത്. 'പ്രിയപ്പെട്ട കമൽഹാസൻ സാറിന് ജന്മദിനാശംസകൾ എന്നാണ് മോഹന്‍ലാല്‍ കുറിച്ചത്. ജന്മദിനാശംസകൾ പ്രിയ കമൽഹാസൻ സന്തോഷവും സമൃദ്ധിയും നല്ല ആരോഗ്യവും നിറഞ്ഞ മറ്റൊരു വിജയകരമായ വർഷം ആശംസിക്കുന്നു എന്നായിരുന്നു മമ്മൂട്ടിയുടെ കുറിപ്പ്. അതേസമയം പിറന്നാള്‍ ദിനത്തില്‍ വമ്പന്‍ പ്രഖ്യാപവുമായി രംഗത്തെത്തിയിരിക്കുകയാണ് കമല്ഹാസന്. കമല്‍ഹാസനെ നായകനായെത്തുന്ന ‘തഗ് ലൈഫിന്‍റെ’ റിലീസ് ഡേറ്റ് ടീസർ ആണ് പിറന്നാളിനോടനുബന്ധിച്ച് പുറത്തുവിട്ടിരിക്കുന്നത്
മോഹന്‍ലാലും മമ്മൂട്ടിയും പങ്കുവച്ച കുറിപ്പ്:
കമല്‍ഹാസനെ നായകനാക്കി മണിരത്നം സംവിധാനം ചെയ്യുന്ന ചിത്രമാണ് തഗ് ലൈഫ്. ആക്ഷന്‍ ത്രില്ലര്‍ ജോണറില്‍ പുറത്തിറങ്ങുന്ന ചിത്രത്തില്‍ കമല്‍ഹാസനൊപ്പം ചിമ്പുവും പ്രഥാനവേഷത്തിലെത്തുന്നുണ്ട്. തഗ് ലൈഫില്‍ രണ്ടു ഗെറ്റപ്പിലാണ് കമല്‍ എത്തുന്നത്. രാജ്കമല്‍ ഫിലിംസിനൊപ്പം മദ്രാസ് ടാക്കീസും ഉറെഡ് ജയന്‍റ് മൂവീസും ചേര്‍ന്നാണ് ചിത്രം നിര്‍മിക്കുന്നത്. 37 വര്‍ഷങ്ങള്‍ ശേഷം മണിരത്നലും കമലും വീണ്ടും ഒന്നിക്കുന്നു എന്നൊരു പ്രത്യേകതയും ചിത്രത്തിനുണ്ട്. തൃഷ, അഭിരാമി,ഐശ്വര്യാ ലക്ഷ്മി,ജോജു ജോർജ് , നാസർ എന്നിവരും ചിത്രത്തില്‍ പ്രഥാന വേഷത്തിലെത്തുന്നുണ്ട്. കമലിന് ഇന്ത്യന്‍ 2ലൂടെ ഉണ്ടായ ക്ഷീണമകറ്റാന്‍ തഗ് ലൈഫിനാകും എന്ന പ്രതീക്ഷയിലാണ് പ്രേക്ഷകര്‍. ചിത്രം അടുത്ത വർഷം ജൂൺ അഞ്ചിന് തിയറ്ററുകളിലെത്തും.