നടത്തത്തില്‍ പാലക്കാടന്‍ പാരമ്പര്യം; അഭിമാനമായി ഇരട്ടകള്‍

ദീർഘദൂരത്തിൽ പി.യു ചിത്രയും, എം.ഡി താരയും, രമേശേരിയും വന്ന മണ്ണാണ് പാലക്കാടിന്‍റേത്. ആ അടിത്തറ ഭദ്രമാണെന്നുറപ്പിക്കുകയാണ് നടത്തത്തിൽ ഇവിടെ രണ്ടു പെൺകുട്ടികൾ. ഇരട്ടകളായ ശ്രേയയും ശ്രദ്ധയും സബ്ജൂനിയറായിട്ടും മത്സരിക്കുന്നത് സീനിയർ, ജൂനിയർ കാറ്റഗറിയിലാണ്.

12കഴിഞ്ഞതേയുള്ളു ശ്രേയക്ക്ക്ക്. എന്നിട്ടും സീനിയർ പെൺകുട്ടികളുടെ 3കിലോമീറ്റർ നടത്തത്തിൽ ശ്രേയ മൂന്നാമതെത്തി. വരും മത്സരങ്ങളിലേയ്ക്കുള്ള തുടക്കം. ശ്രദ്ധയ്ക്ക് മത്സരം നാളെയാണ്. ഇറങ്ങുന്നത് ജൂനിയർ വിഭാഗം 3കിലോമീറ്റർ നടത്തത്തിൽ. 

ചെറു പ്രായമാണ്. നടന്നുതീർക്കാൻ ഇനിയുമുണ്ട് ഇരുവർക്കും ദൂരമേറെ. വിജയവും, പ്രതീക്ഷയും. ഡ്രൈവറായ അച്ഛന് തണലാകണം. പനങ്ങാട്ടിരി Rpmhssന് അഭിമാനവുമാകണം അവർക്ക്.