യാത്ര വിശേഷങ്ങളും പുതിയ സിനിമ വിശേഷങ്ങളും പ്രേക്ഷകരുമായി സ്ഥിരം പങ്കുവയ്ക്കാറുള്ള താരമാണ് അനുശ്രീ. താരത്തിന് നിരവധി ആരാധകരാണ് സൈബറിടത്ത് ഉള്ളത്. ഇപ്പോഴിതാ സൈക്കിൾ സവാരി നടത്തുന്ന വിഡിയോ പങ്കുവച്ചിരിക്കുകയാണ് താരം. സൈക്കിളിൽ സഹോദരനും സുഹൃത്തുക്കൾക്കുമൊപ്പം വാഗമണ്ണിന്റെ സൗന്ദര്യം ആസ്വദിക്കാനിറങ്ങിയ അനുശ്രീ സൈക്കിളില്‍ യാത്ര നടത്തുകയായിരുന്നു.
സമ്മർ ഇൻ ബെത്‌ലഹേം ചിത്രത്തിലെ വിദ്യാസാഗർ ഒരുക്കിയ ചൂളമടിച്ച് കറങ്ങി നടക്കും ചോലക്കുയിലിനു കല്യാണം എന്ന ഗാനമാണ് വിഡിയോയിക്ക് അനുശ്രീ ഇട്ടിരിക്കുന്നത്. വാഗമണ്ണിന്റെ മോഹിപ്പിക്കുന്ന സൗന്ദര്യം ആസ്വദിച്ചു കൊണ്ട് ചൂളമടിച്ചു കറങ്ങി നടക്കുകയാണ് മലയാളത്തിന്റെ സ്വന്തം താരസുന്ദരി എന്നാണ് ആരാധകര്‍ പറയുന്നത്. യാത്രയുടെ ഓരോ നിമിഷങ്ങളും താൻ ഏറെ ആസ്വദിച്ചു എന്നാണ് ദൃശ്യങ്ങൾ പങ്കുവെച്ചു കൊണ്ട് അനുശ്രീ കുറിച്ചത്.