സ്റ്റൈലിഷ് ലുക്കിലുള്ള നടി ഭാമയുടെ പുത്തൻ വിഡിയോ ആണ് ഇപ്പോള്‍ സൈബര്‍ ലോകത്തെ സംസാര വിഷയം. ദുബായിൽ നിന്നുള്ള വിഡിയോ ഇതിനോടകം തരംഗമായിക്കഴിഞ്ഞു. കുറച്ചു കാലമായി സിനിമയിൽ നിന്ന് മാറി നിൽക്കുകയാണെങ്കിലും സോഷ്യൽ മീഡിയയിൽ സജീവമാണ് ഭാമ.
മോഡേൺ ലുക്കിലാണ് താരം വിഡിയോയിൽ പ്രത്യക്ഷപ്പെട്ടത്. ബ്ലാക്ക് മിനി ഫ്രോക്കിനൊപ്പം ഓവർസൈസ്ഡ് ഷർട്ട് പെയർ ചെയ്തിരിക്കുന്നു. പുതിയ ലുക്കിനെ പ്രശംസിച്ച് ഒട്ടേറെപ്പേര്‍ രംഗത്തെത്തി. ‘ഇതൊക്കെയാണ് തിരിച്ചു വരവ്’ എന്നാണ് ഒരു ആരാധകൻ കുറിച്ചത്. ഈയടുത്താണ് മോഡേൺ വേഷങ്ങളിലുള്ള ചിത്രങ്ങൾ ഭാമ സമൂഹമാധ്യമങ്ങളിൽ പോസ്റ്റ് ചെയ്യാൻ തുടങ്ങിയത്. 2007 ൽ നിവേദ്യം എന്ന സിനിമയിലൂടെയാണ് ഭാമ അഭിനയരംഗത്തെത്തിയത്. പിന്നീട് തമിഴിലും കന്നഡയിലും നടി അരങ്ങേറ്റം കുറിച്ചു. 2018 ൽ റിലീസ് ചെയ്ത ‘ഖിലാഫത്ത്’ ആണ് ഭാമ അവസാനം അഭിനയിച്ച ചിത്രം.