സുരേഷ് ഗോപി ചിത്രം ജെഎസ്കെ സെക്കന്‍റ് ലുക്ക് പോസ്റ്റര്‍ പുറത്ത്. കോടതിമുറിയില്‍ വക്കീല്‍ വേഷത്തില്‍ നില്‍ക്കുന്ന സുരേഷ് ഗോപിയെ ആണ് പോസ്റ്ററില്‍ കാണുന്നത്. ഒപ്പം അനുപമ പരമേശ്വരനും ഉണ്ട്. നീണ്ട ഇടവേളക്ക് ശേഷം സുരേഷ് ഗോപി വക്കീല്‍ വേഷത്തില്‍ എത്തുന്ന ചിത്രമെന്ന നിലയ്ക്ക് ആകാംക്ഷയോടെയാണ് പ്രേക്ഷകര്‍ ചിത്രത്തിനായി കാത്തിരിക്കുന്നത്. അഡ്വക്കേറ്റ് ഡേവിഡ് അബേൽ ഡോണോവൻ എന്ന കഥാപാത്രമായാണ് സുരേഷ് ഗോപി ജെഎസ്കെയിൽ എത്തുന്നത്. ഏറെ നാളുകൾക്കു ശേഷം അനുപമ പരമേശ്വരന്റെ മലയാള സിനിമയിലേക്കുള്ള തിരിച്ചു വരവ് കൂടെയാണ് ചിത്രം.
സുരേഷ് ഗോപിയുടെ മാധവ് സുരേഷും സിനിമയൊരു പ്രധാന വേഷത്തിെലത്തുന്നുണ്ട്. നേരത്തെ ‘പാപ്പൻ’ എന്ന സിനിമയിൽ ഗോകുൽ സുരേഷിനൊപ്പം സുരേഷ് ഗോപി ഒന്നിച്ചെത്തിയിരുന്നു. പ്രവീൺ നാരായണനാണ് ചിത്രം തിരക്കഥയെഴുതി സംവിധാനം ചെയ്യുന്നത്. ജാനകി വേഴ്‌സസ് സ്റ്റേറ്റ് ഓഫ് കേരള എന്നാണ് സിനിമയുടെ ടൈറ്റിലിന്റെ പൂർണരൂപം.
അക്സർ അലി, ദിവ്യാ പിള്ള, ശ്രുതി രാമചന്ദ്രൻ, ജോയ് മാത്യു, ബൈജു സന്തോഷ് , യദു കൃഷ്ണ, ജയൻ ചേർത്തല, രജത്ത് മേനോൻ, ഷഫീർ ഖാൻ, കോട്ടയം രമേശ്‌,അഭിഷേക് രവീന്ദ്രൻ, നിസ്താർ സേട്ട്, ഷോബി തിലകൻ, ബാലാജി ശർമ്മ, ജയ് വിഷ്ണു, ദിലീപ് മേനോൻ, ജോമോൻ ജോഷി, വൈഷ്ണവി രാജ്, മഞ്ജു ശ്രീ, ദിനി, ജോസ് ചെങ്ങന്നൂർ, മേധ പല്ലവി, പ്രശാന്ത് മാധവ് എന്നിവരാണ് മറ്റ് താരങ്ങൾ