മണ്ണാറശ്ശാല ക്ഷേത്രത്തിൽ ദർശനം നടത്തി മോഹൻലാല്‍

മണ്ണാറശ്ശാല ക്ഷേത്രത്തിൽ ദർശനം നടത്തി നടൻ മോഹൻലാൽ. സുഹൃത്ത് സനൽകുമാറിനൊപ്പം മോഹൻലാൽ ക്ഷേത്രത്തിൽ എത്തിയത്. മോഹൻലാൽ ക്ഷേത്രം സന്ദർശിക്കുന്ന വിഡിയോ സോഷ്യല്‍ മിഡിയയില്‍ വൈറലാണ്. പ്രാർത്ഥനയ്ക്ക് ശേഷം മണ്ണാറശ്ശാല അമ്മയെ കണ്ട് അനുഗ്രഹം വാങ്ങിയാണ് മോഹൻലാൽ മടങ്ങിയത്. 

ക്ഷേത്ര ഭാരവാഹികളായ നാഗദാസ്,ജയദേവൻ എന്നിവർ ഒപ്പം ഉണ്ടായിരുന്നു. ആലപ്പുഴ ജില്ലയിലെ ഹരിപ്പാടാണ് പ്രസിദ്ധമായ നാഗരാജ ക്ഷേത്രം സ്ഥിതി ചെയ്യുന്നത്. ശിവസർപ്പമായ വാസുകിയും നാഗയക്ഷിയുമാണ് പ്രധാന മൂർത്തികൾ. മാസങ്ങൾക്ക് മുമ്പ് ഇരിക്കൂർ മാമാനിക്കുന്ന് മഹാദേവ ക്ഷേത്രത്തിൽ മോഹൻലാൽ ദർശനം നടത്തിയിരുന്നു.