‘കങ്കുവ’ കണ്ടിട്ട് കേരളത്തിൽ നിന്ന് വിളിച്ച് നല്ല അഭിപ്രായം പറയുന്നു; സംവിധായകൻ

‘കങ്കുവ’ സിനിമയ്ക്ക് ഗംഭീര പ്രതികരണമാണ് ലഭിക്കുന്നതെന്ന് സംവിധായകൻ ശിവ. കേരളത്തില്‍ നിന്ന് മികച്ച പ്രതികരണമാണെന്നും ആളുകൾ വിളിച്ച് നല്ല അഭിപ്രായമാണ് പറയുന്നതെന്നും ശിവ വ്യക്തമാക്കി. ചെന്നൈയിൽ ചിത്രത്തിൽ ആദ്യ ഷോ കാണാൻ തിയറ്ററിൽ എത്തിയപ്പോൾ മാധ്യമങ്ങളോട് പ്രതികരിക്കുകയായിരുന്നു സംവിധായകൻ. 

‘അവസാനം കങ്കുവ തിയറ്ററുകളിൽ എത്തിയിരിക്കുന്നു. ഒത്തിരി സന്തോഷത്തിലാണുള്ളത്. അമേരിക്കയിൽ നിന്നും സിനിമ കണ്ടിറങ്ങിയ സ്നേഹിതർ ഇപ്പോള്‍ വിളിച്ചിരുന്നു. അതി ഗംഭീര വിജയമാകും സിനിമയെന്നാണ് അവർ പറയുന്നത്. ഇപ്പോഴാണ് പൂർണ തൃപ്തിയായത്. വളരെ സന്തോഷത്തിലും ആകാംക്ഷയിലുമാണ് ഞാനുള്ളത്.’ ശിവയുടെ വാക്കുകള്‍. Also Read : ‘നമിച്ചു അണ്ണാ..എന്നടാ പണ്ണിവച്ചിറുക്ക്’; സൂര്യ ചിത്രം കങ്കുവയുടെ ആദ്യ പ്രതികരണം ഇങ്ങനെ

ബോളിവുഡ് താരം ബോബി ഡിയോള്‍ വില്ലനായ ചിത്രത്തിലെ നായിക ദിഷാ പഠാനിയാണ്. മദന്‍ കര്‍ക്കി, ആദി നാരായണ, സംവിധായകന്‍ ശിവ എന്നിവര്‍ ചേര്‍ന്ന് രചിച്ച ഈ ചിത്രം, 1500 വര്‍ഷങ്ങള്‍ക്ക് മുന്‍പ് നടക്കുന്ന കഥയാണ് പറയുന്നത്. യോഗി ബാബു, പ്രകാശ് രാജ്, കെ എസ് രവികുമാര്‍, ജഗപതി ബാബു, ഹാരിഷ് ഉത്തമന്‍, നടരാജന്‍ സുബ്രമണ്യം, ആനന്ദ് രാജ്, വസുന്ധര കശ്യപ്, റെഡിന് കിങ്സ്ലി, കോവൈ സരള എന്നിവരാണ് മറ്റ് പ്രധാന താരങ്ങള്‍. 1000 വർഷങ്ങൾക്ക് മുമ്പുള്ള കാലഘട്ടത്തിലൂടെ സഞ്ചരിക്കുന്ന കങ്കുവയിൽ യോദ്ധാവായാണ് സൂര്യ എത്തുന്നത്.