ചാക്കേച്ചന്‍റെ സെല്‍ഫിയില്‍ തിളങ്ങി നില്‍ക്കുകയാണ് മോഹന്‍ലാലും മമ്മൂട്ടിയും. മോഹന്‍ലാലിന്‍റെ തോളില്‍ കയ്യിട്ട് കുഞ്ചാക്കോ ബോബന്‍റെ സെല്‍ഫിക്ക് കൂടെ നില്‍ക്കുകയാണ് മമ്മൂട്ടി. മഹേഷ് നാരായണന്‍ ചിത്രത്തിന്റെ ലൊക്കേഷനില്‍ നിന്നാണ് സെല്‍ഫി.
ചിത്രത്തിന്റെ പ്രധാന ലൊക്കേഷൻ കൊളംബോയാണ്. കൊളംബോയില്‍ നിന്ന് ചിത്രത്തിന്റെ ആദ്യ അപ്ഡേറ്റ് ഇപ്പോള്‍ പുറത്തുവന്നിരിക്കുകയാണ്. ഫാന്‍ ബോയ് എന്നാണ് ചിത്രത്തിന് ചാക്കോച്ചന്‍ ക്യാപ്ഷന്‍ കൊടുത്തിരിക്കുന്നത്.
മഴവിൽ മനോരമ-അമ്മ താരനിശയ്ക്ക് പിന്നാലെ നിർമ്മാതാവ് ആന്റണി പെരുമ്പാവൂർ പങ്കുവച്ച ഇൻസ്റ്റഗ്രാം പോസ്റ്റിൽ നിന്നാണ് മമ്മൂട്ടിയും മോഹൻലാലും ഒന്നിച്ച് സ്ക്രീനിലെത്തുന്ന സിനിമയെക്കുറിച്ച് ആദ്യ വാർത്ത പുറത്തുവരുന്നത്. മോഹൻലാലിനും മമ്മൂട്ടിക്കുമൊപ്പം ആന്റണി പെരുമ്പാവൂർ ഇരിക്കുന്ന ചിത്രത്തിനൊപ്പം ആശിർവാദ് സിനിമാസും മമ്മൂട്ടി കമ്പനിയും കൈകോർക്കുന്നു എന്നതായിരുന്നു കാപ്ഷൻ.