ഒരു ഡിസ്​നി ഫീല്‍; മോളിവുഡ് സിന്‍ഡ്രല്ലയായി മമിത

മോളിവുഡിന്‍റെ സിന്‍ഡ്രലയായി മമിത ബൈജു. വിന്നസ്, ഐശ്വര്യ എന്നിവര്‍ സംവിധാനം ചെയ്​ത വിഡിയോയിലാണ് സിന്‍ഡ്രല ആയി മമിത അണിഞ്ഞൊരുങ്ങിയത്. ഡിസ്​നി വിഡിയോകളെ വെല്ലുംവിധമാണ് മലയാളം സിന്‍ഡ്രലയെ വിഡിയോയില്‍ അവതരിപ്പിച്ചത്. മൂന്ന് മിനിട്ട് 15 സെക്കന്‍റ് നീണ്ട വിഡിയോയില്‍ മറ്റൊരു ലോകത്തേക്ക് തന്നെ അക്ഷരാര്‍ത്ഥത്തില്‍ പ്രേക്ഷകരെ കൊണ്ടുപോയത്. 

മനോഹരമായ പശ്ചാത്തലസംഗീതത്തിന്‍റെ അകമ്പടിയോടെ തന്‍റെ രാജകുമാരനായി ഉറക്കമിളച്ച് പുതിയ വസ്ത്രങ്ങള്‍ തയ്​ച്ച് അതിലേക്ക് മാന്ത്രികതയുടെ മനോഹാരിതയും യോജിപ്പിക്കുന്ന സിന്‍ഡ്രലയുടെ ദൃശ്യങ്ങള്‍ ഗംഭീരമായാണ് വിഎഫ്​എക്സ് ചെയ്​തെടുത്തത്. ദി ഫെയറി ഗോഡ്​മദര്‍ എന്നാണ് വിഡിയോയുടെ പേര്.