'ആഡംബര വണ്ടികൾക്കിടയിൽ ദാസേട്ടന്‍റെ സൈക്കിളിനെ അഭിമാനത്തോടെ പാർക്ക് ചെയ്യുന്നു'

നടൻ ഹരീഷ് പേരടി നിർമ്മിക്കുന്ന പുതിയ ചിത്രം ദാസേട്ടന്റെ സൈക്കിള്‍ മാർച്ച് 14ന് തിയറ്ററുകളിലേക്ക്. കോടികളുടെ മൂല്യമുള്ള മറ്റു ആഡംബര വണ്ടികൾക്കിടയിൽ അഭിമാനത്തോടെയാണ് ദാസേട്ടന്റെ സൈക്കിളിനെ  പാർക്ക് ചെയ്യുന്നതെന്ന് അദ്ദേഹം ഫെയ്സ്ബുക്കില്‍ കുറിച്ചു.

നിങ്ങൾ ഈ അഭിമാനം നിറഞ്ഞ പാർക്കിംങ്ങ് വന്ന് കാണണമെന്നും അദ്ദേഹം അഭ്യര്‍ഥിച്ചു. അഖിൽ കാവുങ്കലാണ് ദാസേട്ടന്റെ സൈക്കിളിന്റെ തിരക്കഥയും സംവിധാനവും നിർവഹിച്ചിരിക്കുന്നത്. 

പോസ്റ്റിന്‍റെ പൂര്‍ണരൂപം

ഈ വരുന്ന മാർച്ച് 14 ന് ദാസേട്ടൻ നിങ്ങളുടെ തൊട്ടടുത്തുള്ള തിയ്യറ്ററിൽ മൂപ്പരുടെ സൈക്കിൾ പാർക്ക് ചെയ്യും. കോടികളുടെ മൂല്യമുള്ള മറ്റു ആഡംബര വണ്ടികൾക്കിടയിൽ അഭിമാനത്തോടെ പാർക്ക് ചെയ്യും... നിങ്ങൾ ഈ അഭിമാനം നിറഞ്ഞ പാർക്കിംങ്ങ് വന്ന് കാണണം..വന്ന് കണ്ടാൽ മാത്രം പോരാ...നിങ്ങളുടെ ചെരുപ്പ് അഴിച്ച് ഈ സൈക്കിളിന്റെ പെഡലിൽ കാല് വെക്കണം...ബ്രെക്ക് അമർത്തി പിടിക്കുമ്പോളുള്ള കരച്ചിൽ  കേൾക്കണം...കിണി കിണി ശബ്ദത്തിൽ മുറിച്ച് ചിരിക്കുന്ന ബെല്ലിൽ അമർത്തണം ..ടയറിന്റെ ശ്വാസം എപ്പോൾ വേണമെങ്കിലും ഒഴിഞ്ഞു പോവാകുന്ന വാൽട്യൂബിനു മുകളിൽ വെറുതെ കൈ വെച്ച് നോക്കണം...ഹ്യദയമിടിപ്പിന്റെ താളം തെറ്റാതിരിക്കാൻ ആ ചങ്ങലയിൽ ഒരു തുള്ളി ഒയിൽ ഉറ്റിക്കണം...എല്ലാം കഴിഞ്ഞ് സ്വന്തം കുടുംബത്തെ മുന്നിലും പിന്നിലുമായി ഇരുത്തി ഈ സൈക്കിൾ നിങ്ങൾ വെറുതെ ഒന്ന് ചവിട്ടണം..നിങ്ങളുടെ ആ യാത്രയിലെ കാഴ്ച്ചകളും അനുഭവവുമാണ് ഞങ്ങളുടെ സന്തോഷം...മാർച്ച് 14ന്റെ സൈക്കിൾ യാത്രയിലേക്ക് ദാസേട്ടനോടൊപ്പം ചേരാൻ ഹൃദയത്തിന്റെ ഭാഷയിൽ സ്വാഗതം ചെയ്യ്തുകൊണ്ട്