'ഭ്രമയുഗം' ടീം ഇനി പ്രണവിനൊപ്പം; നിര്‍ണായക അപ്​ഡേറ്റ് പുറത്ത്

2024ല്‍ 'ഭ്രമയുഗ'ത്തിലൂടെ ഞെട്ടിച്ച ടീം വിണ്ടും ഒന്നിക്കുന്നു. ഇത്തവണ രാഹുല്‍ സദാശിവത്തിന്‍റെ ചിത്രത്തില്‍ പ്രണവ് മോഹന്‍ലാലാണ് നായകന്‍. ഭ്രമയുഗം നിര്‍മിച്ച നൈറ്റ് ഷിഫ്​റ്റ് സ്​റ്റുഡിയോസും വൈ നോട്ട് സ്​റ്റുഡിയോസും ചേര്‍ന്നാണ് ഈ ചിത്രവും നിര്‍മിക്കുന്നത്. നിര്‍മാതാക്കളായ ചക്രവര്‍ത്തി രാമചന്ദ്രക്കും എസ്.ശശികാന്തിനുമൊപ്പം പ്രണവും രാഹുല്‍ സദാശിവവും നില്‍ക്കുന്ന ചിത്രത്തിനൊപ്പം ഷൂട്ട് ഇന്ന് ആരംഭിച്ചു എന്ന നിര്‍ണായക അപ്​ഡേറ്റും പുറത്തുവിട്ടിട്ടുണ്ട്. 

ഹൊറർ ഗണത്തിൽപെടുന്ന സിനിമയുടെ തിരക്കഥ നിർവഹിക്കുന്നതും രാഹുൽ സദാശിവം തന്നെയാണ്. സിനിമയുടെ ആർട്ട് ചെയ്യുന്നത് ജ്യോതിഷ് ശങ്കർ. എഡിറ്റിങ് ഷഫീഖ് മുഹമ്മദ് അലി. സൗണ്ട് ഡിസൈൻ ജയദേവൻ ചക്കാടത്ത്