പ്രഗ്നൻസി ബൈബിളെന്ന സ്വന്തം പുസ്തകം പരിചയപ്പെടുത്തി നടി കരീന കപ്പൂർ

ഷാർജ രാജ്യാന്തര പുസ്തകോൽസവത്തിൽ പ്രഗ്നൻസി ബൈബിളെന്ന സ്വന്തം പുസ്തകം പരിചയപ്പെടുത്തി ബോളിവുഡ് നടി കരീന കപ്പൂർ. ​മാതൃത്വത്തിലേക്കുള്ള യാത്രയെക്കുറിച്ചാണ് പുസ്തകം പറയുന്നത്. ഇന്ത്യൻ സിനിമ കരുത്തിൽ നിന്നും കൂടുതൽ കരുത്തിലേക്ക് വളരുകയാണ്. സ്വപ്നവേഷത്തിനപ്പുറം എക്കാലവും സിനിമയിൽ അഭിനയിക്കാൻ കഴിയണമെന്നാണ് സ്വപ്നമെന്നും കരീന കൂട്ടിച്ചേർത്തു.  ​

ഗർഭാവസ്ഥയെ ആഘോഷമാക്കി, ജോലിയിലും പൊതുയിടങ്ങളിലും സജീവമായി പുതിയ മാതൃക തീർത്ത നടിയാണ് കരീന കപ്പൂർ. അക്കാലത്തെ ശാരീരികമാനസിക അവസ്ഥകളെക്കുറിച്ചാണ് പ്രെ​​ഗ്നൻസി ബൈബിളെന്ന പുസ്തകം പറയുന്നത്.  അഭിനയം ഏറെ പ്രിയപ്പെട്ടതാകുമ്പോൾ ഒരു കഥാപാത്രവും വെല്ലുവിളിയല്ല. കഥാപാത്രങ്ങളുടെ തിരഞ്ഞെടുപ്പിൽ നടിമാരും വേറിട്ട് ചിന്തിച്ചുതുടങ്ങി. നല്ല കഥകൾ പറയാനാണ് സിനിമകളിലൂടെ എല്ലാവരും ശ്രമിക്കുന്നത്.  കപ്പൂർ കുടുംബത്തിന്റെ ഭാഗമായത് അഭിമാനത്തിനൊപ്പം വേറിട്ടൊരു സമ്മർദവും നൽകുന്നുണ്ട് . ജീവിതത്തിൽ എത്തിനിൽക്കുന്നിടത്ത് ഏറെ സന്തുഷ്ടയാണെന്നും പറഞ്ഞു കൊണ്ടാണ് കരീന പുസ്തകോൽസവത്തിൽ നിന്ന് മടങ്ങിയത്. 

Actress Kareena Kapoor introduced her own book called Pregnancy Bible