എ.സി പൊട്ടിത്തെറിച്ച് ഒരു കുടുംബത്തിലെ നാല് പേർ വെന്തുമരിച്ചു. കർണാടകയിലെ വിജയനഗര ജില്ലയിലാണ് ദുരന്തം നടന്നത്. ദമ്പതികളും അവരുടെ രണ്ട് മക്കളുമാണ് മരിച്ചത്. ഇന്നലെ അർധരാത്രി 12.40–ഓടെയാണ് സംഭവം. എ.സി വെന്റിലേറ്ററിൽ നിന്ന് വാതകം ചോർന്നതിനെ തുടർന്നുണ്ടായ ഷോർട്ട് സർക്യൂട്ടാണ് തീപിടിത്തത്തിന് കാരണം. വീടുമുഴുവന്‍ കത്തി നശിച്ചെന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു.
വെങ്കട്ട് പ്രശാന്ത് (42), ഭാര്യ ഡി. ചന്ദ്രകല (38,) മകൻ അദ്വിക് (6), മകൾ പ്രേരണ (8) എന്നിവരാണ് മരിച്ചത്. സംഭവത്തിൽ പൊലീസ് അന്വേഷണം ആരംഭിച്ചു. ആത്മഹത്യ ആണോയെന്ന് സംശയമുള്ളതായും പൊലീസ് പറയുന്നു.