ഉമ്മന്‍ചാണ്ടിയെ കല്ലെറിഞ്ഞ കേസ്; 3 പേര്‍ കുറ്റക്കാര്‍; 110 പേരെ വെറുതേ വിട്ടു

കണ്ണൂരില്‍വച്ച് 2013 ല്‍ ഉമ്മന്‍ചാണ്ടിയെ കല്ലെറിഞ്ഞ കേസില്‍ മൂന്ന് പ്രതികള്‍ കുറ്റക്കാരെന്ന് കോടതി. സി.ഒ.ടി നസീര്‍, ദീപക്, ബിജു പറമ്പത്ത് എന്നിവര്‍ കുറ്റക്കാരെന്ന് കണ്ണൂര്‍ സെഷന്‍സ് കോടതി വിധിച്ചു.കേസിലെ 113 പ്രതികളില്‍ 110 പേരെയും വെറുതേവിട്ടു. മുന്‍ എം.എല്‍.എമാരായ സി.കൃഷ്ണനും കെ.കെ നാരായണനും വിട്ടയക്കപ്പെട്ടവരിലുണ്ട്. എല്‍ഡിഎഫ് ഉപരോധ സമരത്തിനെത്തിയവരാണ് അന്നത്തെ മുഖ്യമന്ത്രിയായിരുന്ന ഉമ്മന്‍ചാണ്ടിക്കെതിരെ അക്രമം നടത്തിയത്. കണ്ണൂർ പൊലീസ് മൈതാനിയിൽ സംസ്ഥാന പൊലീസ് അത്‌ലറ്റിക് മീറ്റിന്റെ സമാപന ചടങ്ങ് ഉദ്ഘാടനം ചെയ്യാനെത്തിയതായിരുന്നു ഉമ്മൻ ചാണ്ടി. 

 

 

Three convicted in attack against Oommen Chandy case