ബാറിലെ കൂട്ടത്തല്ലിന്റെ വിഡിയോ പുറത്ത്; മദ്യക്കുപ്പികളും ഫര്‍ണിച്ചറുകളും തകര്‍ത്തു

ആലപ്പുഴ പറവൂരിലെ ബാറില്‍  മദ്യപിക്കാനെത്തിയ സംഘം ജീവനക്കാരെ ആക്രമിക്കുകയും മദ്യക്കുപ്പികളും ഫർണിച്ചറുകളും അടിച്ചു തകർക്കുകയും ചെയ്യുന്ന ദൃശ്യങ്ങൾ പുറത്ത്. സിസിടിവി ദൃശ്യങ്ങൾ മനോരമ ന്യൂസിന് ലഭിച്ചു. ആലപ്പുഴ വാടയ്ക്കൽ സ്വദേശികളായ ഒന്‍പതംഗ സംഘമാണ് ബാറിൽ അഴിഞ്ഞാടിയത്. ആക്രമണത്തിൽ മൂന്നു ജീവനക്കാർക്ക് പരുക്കേറ്റു. 

 

രണ്ടിന് രാത്രി പത്തോടെ മദ്യപിക്കാനെത്തിയ സംഘം ഭക്ഷണം ആവശ്യപ്പെട്ട് ബാറിന്റെ അടുക്കളയിലേക്ക് കടക്കാൻ ശ്രമിച്ചപ്പോൾ അടുക്കളയുടെ ചുമതലക്കാരൻ തടഞ്ഞു. തുടർന്ന് പുറത്തുപോയ സംഘം വടി, ഹോക്കി സ്റ്റിക് , കമ്പി എന്നിവയുമായെത്തി ജീവനക്കാരെ ആക്രമിക്കുകയും ബാർ അടിച്ചു തകർക്കുകയുമായിരുന്നു. 

 

ജീവനക്കാരുടെ പരാതിയില്‍ ഒന്‍പത് പേര്‍ക്കെതിരെ പുന്നപ്ര പൊലീസ് കേസെടുത്തു രണ്ട് പേരെ അറസ്റ്റ് ചെയ്തു. വധശ്രമം അടക്കമുള്ള വകുപ്പുകളാണ് ഇവർക്കെതിരെ ചുമത്തിയത്.

Alappuzha paravoor bar clash video