ഡല്‍ഹി വിമാനത്താവളത്തില്‍ വൈദ്യുതി മുടങ്ങി; പ്രവര്‍ത്തനങ്ങള്‍ തടസപ്പെട്ടു

ഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ വൈദ്യുതി മുടങ്ങിയതോടെ പ്രവര്‍ത്തനങ്ങള്‍ തടസപ്പെട്ടു. രണ്ട് മിനിറ്റ് നേരമാണ് വൈദ്യുതി മുടങ്ങിയത്. പിന്നാലെ ചെക് ഇന്‍, ബോര്‍ഡിങ് ഉള്‍പ്പെടെയുള്ള പ്രവര്‍ത്തനങ്ങള്‍ക്ക് തടസം നേരിട്ടു. പവര്‍ ഗ്രിഡിലെ തകരാറെന്നാണ് സൂചന. 

വൈദ്യുതി ബാക്ക്-അപ്പിലേക്ക് മാറുന്നതിന് മുമ്പ് രണ്ട് മൂന്ന് മിനിറ്റ് നേരത്തേക്ക് തടസ്സം നീണ്ടുനിന്നു. ബോർഡിംഗ് ഗേറ്റുകളിൽ ബാഗേജ് ലോഡിംഗ്, ഡിജിയാത്ര, എയർ കണ്ടീഷനറുകൾ എന്നിവയെല്ലാം തടസപ്പെട്ടു. എന്നാല്‍ ഫ്ലൈറ്റ് പ്രവർത്തനങ്ങളിൽ ഒരു സ്വാധീനവും ഉണ്ടായിട്ടില്ലെന്ന് ഉദ്യോഗസ്ഥര്‍ പറഞ്ഞു.