ഫയല്‍ ചിത്രം
ജമ്മുകശ്മീരിലെ ദോഡയിലുണ്ടായ ഭീകരാക്രമണത്തില്‍ നാല് സൈനികര്‍ക്ക് വീരമൃത്യു. ഇന്നലെ വൈകിട്ടുണ്ടായ ആക്രമണത്തില്‍ നാലുപേര്‍ക്ക് ഗുരുതര പരുക്കേറ്റിരുന്നു. രക്ഷപെട്ട ഭീകരര്‍ക്കായി തിരച്ചില്‍ തുടരുകയാണ്.
കൂടുതൽ സേനാംഗങ്ങളെ വിന്യസിച്ച് പ്രദേശം വളഞ്ഞിരിക്കുകയാണ്. ഇന്നലെ വൈകീട്ടുണ്ടായ ആക്രമണത്തിൽ 4 സൈനികർക്കും ഒരു പൊലീസുകാരനും പരിക്കേറ്റിരുന്നു. ജമ്മു കശ്മീർ പോലീസും സൈന്യവും പ്രദേശത്തെ വനമേഖലയിൽ തിരച്ചിൽ നടത്തുന്നതിനിടയാണ് ആക്രമണം ഉണ്ടായത്. അരമണിക്കൂറോളം വെടിവെപ്പ് നീണ്ടുനിന്നു. ദോഡയിലിത് മൂന്നാമത്തെ ആക്രമണമാണ്. കഴിഞ്ഞ മാസം 26ന് ഉണ്ടായ ആക്രമണത്തിൽ മൂന്നു ഭീകരരെ സൈന്യം വധിച്ചിരുന്നു.