ഷിരൂരില് കാണാതായ അര്ജുന്റെ മൃതദേഹവും ലോറിയും കണ്ടെത്തി. ലോറിയില് അര്ജുന്റെ മൃതദേഹമെന്ന് സ്ഥിരീകരിച്ച് കാര്വാര് എംഎല്എയും അര്ജുന്റെ ബന്ധുക്കളും. അര്ജുന്റെ മൃതദേഹഭാഗങ്ങള് എടുത്തു ബോട്ടിലേക്ക് മാറ്റി. ലോറിയുടെ കാബിനിന്റെ ഉള്ളിലാണ് മൃതദേഹം കണ്ടെത്തിയത്. നാല് പോയിന്റുകളില് ദൗത്യസംഘം പരിശോധന നടത്തി. കോണ്ടാക്ട് പോയിന്റ് രണ്ടിലാണ് ലോറിയുടെ ഭാഗം കണ്ടെത്തിയത്. വിഡിയോ റിപ്പോര്ട്ട് കാണാം.
‘അര്ജുന് കാബിനില് ഉണ്ടാകുമെന്ന് കുടുംബത്തിനോട് പറഞ്ഞിരുന്നുവെന്ന് ലോറി ഉടമ മനാഫ് മനോരമ ന്യൂസിനോട്. വണ്ടി എനിക്ക് വേണ്ട, അര്ജുന്റെ മൃതദേഹം എടുത്താല് മതിയെന്ന് മനാഫ്. വണ്ടി കിട്ടാന് മാത്രമാണ് തന്റെ ശ്രമമെന്നു വരെ പ്രചരിപ്പിച്ചുവെന്നും മനാഫ് പറഞ്ഞു. Also Read: അര്ജുന് തിരച്ചില് നാള്വഴി ഇങ്ങനെ...
ഷിരൂരിലേത് സാങ്കേതികത കൊണ്ടുണ്ടായ ഫലമെന്ന് മേജര് റിട്ട. ജനറല് ഇന്ദ്രബാലന്. ഈ വിജയം പ്രതീക്ഷിച്ചതല്ല, കുടുംബത്തിനും കേരളജനതയ്ക്കും നന്ദിയെന്നും ഇന്ദ്രബാലന്പറഞ്ഞു.