ഉത്തര്‍പ്രദേശില്‍ ഗോവധം ആരോപിച്ച് പൊലീസ് മൂന്നുപേരെ അറസ്റ്റ് ചെയ്തു. ഏറ്റുമുട്ടലിലൂടെയാണ് പ്രതികളെ പൊലീസ് പിടികൂടിയത്. പ്രതികള്‍ക്കു നേരെ പൊലീസ് വെടിയുതിര്‍ത്തു. മീററ്റിലാണ് സംഭവം. ഡല്‍ഹി പഹാഡ്ഗഞ്ച് സ്വദേശികളായ ആകാശ്, ആകാശിന്‍റെ സഹോദരന്‍ ഗോപാല്‍, ആലോക് എന്നിവരാണ് പിടിയിലായത്.
രക്ഷപ്പെടാന്‍ ശ്രമിക്കുന്നതിനിടെ പ്രതികള്‍ പൊലീസിനുനേരെ വെടിയുതിര്‍ത്തെന്നും പ്രതിരോധത്തിലാണ് പ്രതികളിലൊരാളായ ആകാശിന്‍റെ കാലിന് വെടിയേറ്റതെന്നും മീററ്റ് റൂറല്‍ എസ്എസ്പി രാകേശ് കുമാര്‍ മിശ്ര പറഞ്ഞു. പ്രതികള്‍ സഞ്ചരിച്ച ഇരുചക്രവാഹനം, തോക്ക്, തിരകള്‍ എന്നിവയും പൊലീസ് പിടിച്ചെടുത്തു.