സ്മൃതി ഇറാനിയെ നിലം പതിപ്പിച്ച കോൺഗ്രസുകാരൻ; അമേഠിയുടെ സ്വന്തം ‘കിഷോരി ഭയ്യ’

ലോക്സഭ തിരഞ്ഞെടുപ്പ് ഫലം വന്നതിന് പിന്നാലെ  ജയിച്ച വന്ന ഒരു സ്ഥാനാര്‍ഥിയെ പറ്റി  പ്രിയങ്ക ഗാന്ധി ഒരു പോസ്റ്റിട്ടു, അത് ഇങ്ങനെയായിരുന്നു..കിഷോരി ഭയ്യ, നിങ്ങള്‍ വിജയിക്കുമെന്ന്‌ ഞാന്‍ തുടക്കം മുതല്‍ വിശ്വസിച്ചിരുന്നു. നിങ്ങള്‍ക്കും അമേഠിയിലെ എന്റെ സഹോദരീ സഹോദരന്മാര്‍ക്കും അഭിനന്ദനങ്ങള്‍, പിന്നീട് ആ മനുഷ്യനെ തന്‍റെ നെഞ്ചോട് ചേര്‍ത്ത് നിര്‍ത്തി രാഹുലും വിളിച്ചു കിഷോരി ഭയ്യ, നമ്മള്‍ ജയിച്ചു.. ഈ തിരഞ്ഞെടുപ്പില്‍ ഏറ്റവും അധികം പരിഹാസം കേട്ട, പലകുറി ബിജെപി മുൻനിര നേതാക്കള്‍ കളിയാക്കിയ, ഡമ്മിയെന്നും ഗാന്ധി കുടുംബത്തിന്റെ പ്യൂൺ എന്നും വിളിച്ച് പരിഹസിച്ച ആ മനുഷ്യന്‍ അമേഠിയിൽ സ്മൃതി ഇറാനിയെ വിറപ്പിച്ച് തോല്‍പ്പിച്ച ആ നാടിന്‍റെ സ്വന്തം  ചോട്ടാ കാര്യകര്‍ത്താ എന്നറിയപ്പെടുന്ന കെ എല്‍ എന്ന കിഷോരി ലാൽ ശർമ. കളിയാക്കിയവര്‍ക്ക് മറുപടി ഒന്നരലക്ഷത്തിന്‍റെയധിതം വോട്ടിന്റെ ഭൂരിപക്ഷത്തിലെ മിന്നും ജയം 

വിഡിയോ