ഇത് പ്രണവ് മോഹൻലാൽ തന്നെ..!; സോഷ്യൽമീഡിയയിൽ താരമായി ഫാഷൻ ഡിസൈനർ

ഒറ്റക്കാഴ്ചയിൽ കണ്ടാൽ ഇത് പ്രണവ് മോഹൻലാൽ അല്ല എന്ന് ആരും പറയില്ല. അത്രയേറെ രൂപസാദൃശ്യമുള്ള ഒരു യുവാവാണ് സൈബർലോകത്തെ വിസ്മയിപ്പിച്ചത്. 

പ്രതാപ് ഗോപാൽ എന്നാണ് ആളുടെ പേര്. ബാംഗ്ലൂർ സ്വദേശിയായ ഫാഷൻ ഡിസൈനറാണ് പ്രതാപ്. തന്റെ സമൂഹമാധ്യമ അക്കൗണ്ടുകളിൽ  പ്രണവിനെ അനുകരിച്ചുള്ള ഫൊട്ടോകളും വിഡിയോകളുമൊക്കെ യുവാവ് പങ്കുവെച്ചിട്ടുണ്ട്. തന്റെ പേരിനേക്കാൾ കൂടുതൽ കേട്ടത് പ്രണവ് എന്ന വിളിയാണെന്ന് ഒരു യൂട്യൂബ് ചാനലിന് നൽകിയ അഭിമുഖത്തിൽ പ്രതാപ് പറയുന്നു. ഒരു അവാർഡ് പരിപാടിക്ക് പോയപ്പോൾ സെലിബ്രിറ്റികൾ പോലും താൻ പ്രണവ് ആണെന്ന് തെറ്റിദ്ധരിച്ചതായും യുവാവ് വെളിപ്പെടുത്തുന്നുണ്ട്.