ആരാധകര്‍ക്കായി വമ്പന്‍ സംഗീത നിശ ഒരുക്കി കാലിക്കറ്റ് എഫ്സി

കേരള സൂപ്പര്‍ ലീഗ് കിരീടനേട്ടം ആരാധകര്‍ക്കൊപ്പം ആഘോഷിച്ച് കാലിക്കറ്റ് എഫ്സി താരങ്ങള്‍. കാല്‍പന്തിനെ നെഞ്ചിലേറ്റിയ കോഴിക്കോട്ടുകാര്‍ക്കായി വമ്പന്‍ സംഗീത നിശയാണ് കാലിക്കറ്റ് എഫ്സി ഒരുക്കിയത്. 

ആരാധകരുടെ  ആര്‍പ്പുവിളികള്‍ക്കിടയിലൂടെ കപ്പുമേന്തി കാലിക്കറ്റ് താരങ്ങളുടെ  ഒന്നൊന്നര വരവ് .  ലീഗിന്‍റെ തുടക്കം മുതല്‍  കപ്പില്‍ മുത്തമിടുംവരെ ഒപ്പം നിന്ന  ആരാധകര്‍ക്ക് കോഴിക്കോട് മറൈന്‍ ഗ്രൗണ്ടില്‍ വച്ച് ടീമിന്റെ സ്നേഹം സല്‍ക്കാരം.

Also Read; 2013ലെ സീപ്ലെയിന്‍ പദ്ധതി അട്ടിമറിച്ചത് ഉദ്യോഗസ്ഥര്‍; കോടികള്‍ നഷ്ടം: സീ ബേര്‍ഡ് സി.ഇ.ഒ

 പ്രിയ താരം ബെല്‍ഫോര്‍ട്ടെത്തിയപ്പോള്‍ അവേശം അലതല്ലി. താരങ്ങള്‍ക്കൊപ്പം വിജയം ഘോഷിക്കാന്‍ കഴിഞ്ഞതിന്‍റെ സന്തോഷത്തില്‍ ആരാധകരും.

ആഘോഷങ്ങള്‍ ഇവിടെ തീരുന്നില്ലെന്ന് ടീം ഉടമ വികെ മാത്യൂസ് . ഒടുവില്‍ ആരാധകരുടെ ആവേശത്തിരയില്‍  താരങ്ങളുടെ ആനന്ദനൃത്തം.