കുരങ്ങന്റെ ‘സ്മാഷ് ജംപ്’; റൂഫും തകര്‍ത്ത് കാറിനുള്ളില്‍, ഇറങ്ങി കൂളായൊരു നടത്തം; വൈറല്‍ വിഡിയോ

 ചാടിയത് എവിടെ നിന്നെന്ന് ആരും കണ്ടില്ല, നിര്‍ത്തിയിട്ടിരുന്ന കാറിന്‍റെ സണ്‍റൂഫും തകര്‍ക്കുന്നൊരു ചാട്ടമായിരുന്നു അത്. നേരെ പിന്‍സീറ്റില്‍ ലാന്‍ഡ് ചെയ്തു. പിന്നെ ബൂമറാങ് പോലൊരു തിരിച്ചുപോക്ക് . ഒടുവില്‍ ഒറ്റചാട്ടം റോഡിലേക്ക് . പിന്ന അരികിലൂടെ ഒന്നും സംഭവിച്ചില്ലെന്ന മട്ടിലൊരു നടത്തം. സമൂഹമാധ്യമങ്ങളില്‍ വൈറലാണ് കുരങ്ങന്‍റെ ‘സ്മാഷ് ജംപ്’.

ഉത്തര്‍പ്രദേശിലെ വാരണാസിക്കടുത്ത് വിശ്വേശ്വര്‍ഗഞ്ചില്‍ നിന്നാണ് ഈ വിഡിയോ. ഇന്നലെ ഉച്ചകഴിഞ്ഞാണ് സംഭവം. വിഡിയോ കണ്ട് സമ്മിശ്രപ്രതികരണമാണ് സോഷ്യല്‍മീഡിയ ഉപയോക്താക്കള്‍ക്കുള്ളത്. ചിലര്‍ കുരങ്ങന്‍റെ ആരോഗ്യവസ്ഥയെക്കുറിച്ച് പരിതപിച്ചപ്പോള്‍ കാറുടമയ്ക്ക് വന്ന സാമ്പത്തിക നഷ്ടമായിരുന്നു ഒരു വിഭാഗത്തിന്റെ ആശങ്ക.

കാര്‍ ഇന്‍ഷൂറന്‍സ് ചെയ്തതായിരിക്കുമോ എന്നു തുടങ്ങി കാറുടമ ഇന്‍ഷൂറന്‍സ് കമ്പനിയോട് ഈ അപകടം ഏത് തരത്തില്‍ വിശദീകരിക്കുമെന്ന് പരിതപിക്കുന്നവരുമുണ്ട് ഇക്കൂട്ടത്തില്‍.