മലപ്പുറത്ത് വാഹനാപകടം; ഒരു വീട്ടിലെ മൂന്ന് പേർ മരിച്ചു

മലപ്പുറം മേൽമുറിയിൽ ഓട്ടോറിക്ഷയും കെഎസ്ആർടിസി ബസും കൂട്ടിയിടിച്ച് ഒരു വീട്ടിലെ മൂന്ന് പേർ മരിച്ചു. പുല്പറ്റ ഒളമതിൽ സ്വദേശിയായ അഷറഫ് , ഭാര്യ സാജിദ .മകൾ ഫിദ  എന്നിവരാണ് മരിച്ചത്. മലപ്പുറത്ത് നിന്നും സർവീസ് കേന്ദ്രത്തിലേക്ക് പോകുകയായിയിരുന്നു സ്വിഫ്റ്റ് സൂപ്പർഫാസ്റ്റ് ബസ്.  മലപ്പുറം ഭാഗത്തേക്ക് പോകുകയായിരുന്ന ഓട്ടോറിക്ഷ നിയന്ത്രണം വിട്ട്  ബസിലേക്ക് ഇടിച്ചു കയറുകയായിരുന്നു. മഞ്ചേരി മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. ഫിദയെ മലപ്പുറത്ത് പ്ലസ് വണ്ണിന് ചേർക്കാൻ കൊണ്ടുപോവുമ്പോഴാണ് അപകടം.  മൃതദേഹങ്ങൾ മഞ്ചേരി മെഡിക്കൽ കോളേജ് മോർച്ചറിയിൽ.