വൈക്കം നഗരസഭാ പരിധിയിലെ വഴിയോരകച്ചവടക്കാരെ ഒഴിപ്പിക്കാനെത്തിയ ഉദ്യോഗസ്ഥരെ തടഞ്ഞ എ.ഐ.ടി.യു.സി, സിപിഐ പ്രവര്ത്തകരും പൊലീസും തമ്മില് സംഘര്ഷം. സിപിഐ നേതാക്കളെ ഉൾപ്പെടെ അറസ്റ്റ് ചെയ്തതിൽ പ്രതിഷേധിച്ച് എംഎല്എ സി.കെ ആശ പൊലീസ് സ്റ്റേഷനിൽ കുത്തിയിരുന്ന് പ്രതിഷേധിച്ചു. സിപിഐ നേതാക്കളടക്കം 4 പേർ ആശുപത്രിയിൽ ചികിൽസ തേടി.
തോട്ടുവക്കം, വൈപ്പിന്പടി, ലിങ്ക് റോഡ് തുടങ്ങിയ സ്ഥലങ്ങളില് അനധികൃതമായി കെട്ടിയിരുന്ന കടകളും മീന്തട്ടുകളുമാണ് പൊളിച്ചു നീക്കിയത്. അറസ്റ്റിൽ പ്രതിഷേധിച്ച് ഭരണകക്ഷി എംഎൽഎ തന്നെ പ്രവർത്തകർക്കൊപ്പം ഒരു മണിക്കൂറോളം പൊലീസ് സ്റ്റേഷനിൽ പ്രതിഷേധിച്ചു.