കുഴഞ്ഞു വീണ് യാത്രക്കാരന്‍; ബസ് ആശുപത്രിയിലേക്ക് തിരിച്ച് KSRTC ജീവനക്കാർ

മൈസൂരിൽ നിന്നും തൃശൂരിലേക്ക് പോകുകയായിരുന്ന കെഎസ്ആര്‍ടിസി ബസില്‍ യാത്രക്കാരന്‍ കുഴ​ഞ്ഞു വീണു. കോഴിക്കോട് താമരശ്ശേരിയിലായിരുന്നു സംഭവം. സുൽത്താൻ ബത്തേരിയിൽ നിന്നും കയറിയ  മഞ്ചേരി സ്വദേശി ഫ്രാൻസിസാണ് ചുരത്തിന് മുകളിൽ വെച്ച് ബസ്സിൽ കുഴഞ്ഞുവീണത്. ഉടൻ തന്നെ ഇയാളെ ബസില്‍ താമരശ്ശേരി താലൂക്ക് ആശുപത്രിയിൽ എത്തിക്കുകയായിരുന്നു. കെഎസ്ആർടിസി ജീവനക്കാരുടെ ഈ തീരുമാനത്തിന് എല്ലാവിധ പിന്തുണയുമായി യാത്രക്കാരും ഒപ്പമുണ്ടായിരുന്നു. ഫ്രാൻസിസ് ഇപ്പോൾ ആശുപത്രിയിൽ ചികിത്സയിലാണ്.