കൊല്ലം കരുനാഗപ്പളളിയിലുണ്ടായ വാഹനാപകടത്തില്‍ വിദ്യാര്‍ഥിക്ക് ദാരുണാന്ത്യം. ബൈക്ക് യാത്രികരായ വിദ്യാര്‍ഥികളെ അമിതവേഗത്തിലെത്തിയ പിക്കപ്പ് വാന്‍ ഇടിച്ചു തെറുപ്പിക്കുകയായിരുന്നു. ബൈക്ക് യാത്രികനായ തേവലക്കര സ്വദേശി പതിനെട്ടുവയസുളള അല്‍ത്താഫ് ആണ് മരിച്ചത്. ഗുരുതരമായി പരുക്കേറ്റ അല്‍ത്താഫിനൊപ്പം ഉണ്ടായിരുന്ന റിഹാന്‍ തിരുവനന്തപുരത്തെ സ്വകാര്യആശുപത്രിയില്‍ ചികില്‍സയിലാണ്. ഉച്ചയ്ക്ക് കല്ലേലിഭാഗം സ്കൂളിന് സമീപം നാലു റോഡുകള്‍ ചേരുന്ന കവലയില്‍ വച്ചാണ് അപകടമുണ്ടായത്. കരുനാഗപ്പളളി െഎഎച്ച്ആര്‍ഡി കോളജിലെ ഒന്നാംവര്‍ഷ വിദ്യാര്‍ഥിയാണ് മരിച്ച അല്‍ത്താഫ്.